قورقىت اۋليەنىڭ باتاسى

/uploads/thumbnail/20170709132029617_small.jpg

قورقىت اۋليەنىڭ باتاسى

 

ەرتەدە قازاقتا قورقىت دەگەن اۋزى دۋالى ءبىر قارت ءوتىپتى، سول كىسىمەن زامانداس ءبورى دەگەن ءارى باي، ءارى بي وتكەن ەكەن. سول بي بالا كورمەي ءجۇرىپ، ءبىر جىلى ۇلدى بولادى. بۇعان جارىلا قۋانعان ءبورى بي ىرىم عىپ بالاسىنىڭ اتىن قورقگگ اتاعا قويعىزادى، سوڭداعى قورقىت اتانىڭ باتاسى مىناۋ ەكەن:

ءسوزىمدى تىڭدا ءبورى باي،

ءتاڭىرى ساعان ۇل بەردى.

جاستايىنان ب ا ق قونىپ،

ۇزىن بولسىن ءومىرى،

باسا بەرسىن ىلگەرى،

قولىنان تۋى تۇسپەسىن!

تالىقپاسىن بىلەگى!

ەل قورعايتىن ەر بولسىن،

مۇسىلماننىڭ تىرەگى.

اسپاق بولىپ بارسا قارلى تاۋ،

بوگەمەي اسۋ بەرسىن!

وتپەك بولسا قاندى وزەن،

بوگەمەي كەشۋ بەرسىن!

ۇران ساپ جاۋعا شاپقاندا،

جولىن ءتاڭىرى ونداسىن!

جاراتقان يەم بامىسقا

جار بولىپ ءوزى قولداسىن!

باتىردىڭ قايرات كۇشىنە

ەش كولدەنەڭ بولماسىن!

بالانىڭ اتى بايشۇبار –

اتى بامىس بايراق بولسىن،

اتىن مەن قويدىم،

جاسىن اللا بەرسىن!

بامىس بايراق ارىستانداي ازامات بولىپ، جاۋىن جەڭىپ ورالعاندا قورقىت اتا تاعى دا بىلاي باتا بەرگەن ەكەن:

 

* * *

 

قارا تاۋىڭ قۇلاماسىن،

بايتەرەگىڭ جىعىلماسىن.

اقساقالدى باباڭنىڭ

توپىراعى تورقا بولسىن.

اقجاۋلىقتى اناڭنىڭ

جاتقان جەرى ءجاننات بولسىن.

ۇلىڭ مەنەن باۋىرىڭنان قۇداي ايىرماسىن،

اقىرعى كۇنىڭە يمانىڭ جولداس بولسىن.

ءاۋمين دەگەندەر ءتاڭىردىڭ ءجۇزىن كورسىن.

اتى ارداقتى مۇحاممەدتىڭ قۇرمەتى ءۇشىن،

ءقۇنالارىندى قۇداي كەشىرسىن!

 

* * *

 

قارا تاۋعا جولىقساڭ اسۋ بەرسىن.

قاڭدى سۋعا جولىقساڭ كەشۋ بەرسىن.

ەرلىك ىستەپ باۋىرىڭنىڭ كەگىن الدىڭ،

قۇدىرەتتى وعىز بەكتەرىن اۋىر جۇكتەن قۇتقاردىڭ،

جاراتقان اللا ءجۇزىندى اق قىلسىن.

ءولىم ۋاقىتى كەلگەندە يماننان ايىرماسىن،

كۇنامىزدى اتى ارداقتى مۇحاممەد

مۇستافانىڭ قۇرمەتىنە قۇداي كەشىرسىن!

 

* * *

 

ەلشى ەردىڭ ءتورت قۇبىلاسى تەڭ بولسىن!

ەلدە-كىسى، سىرتتا ءبۇتىن ەل بولسىن!

نانى-تۇزى، ىشەر اسقا باي بولسىن،

كيىم-كەشەك، بەس قارۋى ساي بولسىن.

اسكەر باسى تالاي ءىستى مەڭگەرسىن،

جاۋعا شاپسا، سول بىلگەنى دەم بەرسىن.

بەك ءبىلىمدى اقىلدى، ادال بولسىن، اق بولسىن،

پاراساتى، اقىلى ىزگىلەرگە جاق بولسىن!

بەك بەسەۋدەن بويىن اۋلاق قىلسىن،

ءبىلسىن سوندا، باسىنان قۇس ۇشپاسىن.

جاقسىلاردىڭ ءىسىن قۇداي وڭداسىن،

قۇت دارىتىپ، ىرىزدىق بەرىپ قولداسىن.

ءبىلىپ سويلە، سوزىڭدە ءسول، ءوڭ بولسىن،

ءسوزىڭ ءتۇپسىز قاراڭعىعا كوز بولسىن!

تاۋىپ سويلە ءسوزىڭ وڭدى، ءجون بولسىن،

ءسوزىڭ، باسىر ادامدارعا كوز بولسىن!

ەل سايلادى – قىلىق، ءىسىڭ ساي بولسىن!

كوڭىل، ءدىل، ءىس، ءسوز شىندىعى-سىي بولسىن.

سودان حالقى ءبىلسىن بەكتىڭ باعاسىن،

بەگى يگى بوپ، اتاق داڭقى تاراسىن.

تىرلىگىڭدە ىزگىلىك كوپ بولسىن،

ەنشىسىن ال، قۇر وتكەن كۇن جوق بولسىن!

كوپ سويلەمە، ءسوزىڭ سۋ بوپ كەتپەسىن،

جۇرت زەرىگىپ، سوزدەن جاپا شەكپەسىن!

بوسقا قاراپ ءار نارسەگە تەلمىرىپ،

قۇر قالىپ، ءعارىپ بوپ ءومىر ءوتىپ كەتپەسىن!

 

بولات بوپاي ۇلى جوتا قاجى

قاتىستى ماقالالار