سوزاق اۋدانى ەجەلدەن-اق مال شارۋاشىلىعىنا قولايلى ايماق. ءىرى قارانى ءوسىرۋ جاعىنان كەزىندە جەتىستىكتەرگە قول جەتكىزگەن، تۇرعىندارى قوي، جىلقى، تۇيە باعۋعا كەلگەندە الدىنا جان سالمايدى. تاريحي اۋداننىڭ قازىرگى ءحالى قالاي؟ اسىرەسە، اۋىل شارۋاشىعى بۇگىندە نەندەي كورسەتكىشتەرىمەن ماقتانا الادى دەسەك، الدىمەن كوزگە تۇسكەنى – مال سانىنىڭ جىلدان-جىلعا ارتىپ كەلە جاتقانى. مەملەكەتتىڭ اۋىل حالقىنا ءوز شارۋاشىلىعىن باستاپ، دامىتۋعا قوماقتى كومەك كورسەتەتىنى بەلگىلى. سونىڭ ىشىندە «سىباعا» باعدارلاماسى اۋىل ادامدارىنا ۇلكەن كومەك بولدى. 2011 جىلدان باستاۋ العان بۇل باعدارلاما - اسىل تۇقىمدى جاس مالدى قالپىنا كەلتىرۋ ماقساتىندا 1 ملن. تەڭگەدەن 18 ملن. تەڭگەگە دەيىن 7 جىل مەرزىمىندە جىلدىق 6% سىياقى مولشەرىندە قارىز بەرىلەدى. بۇل كۇندە اتالعان باعدارلاما سوزاق اۋدانىندا ويداعىداي جۇزەگە اسىرىلعان. مۇنى اۋداندىق اۋىل شارۋاشىلىعى جانە جەر قاتىناستارى ءبولىمىنىڭ باسشىسى اۋباكىر ساحي ۇلى جەرگىلىكتى ب ا ق وكىلدەرىنە بەرگەن سۇحباتىندا حابارلادى. ماسەلەن، 2016 جىلدىڭ سوڭىنا دەيىن «سىباعا» باعدارلاماسى بويىنشا 1500 باس ءمۇيىزدى ءىرى قارا مالىن اسىلداندىرۋ كوزدەلسە، جىل باسىنان بەرى جەتى ايدا اسىلداندىرىلعان ءىرى قارا باسى 1538-گە جەتىپ، مەجە 102 پايىزعا ورىندالىپ وتىر. سول سياقتى، «التىن اسىق» باعدارلاماسىنىڭ تاپسىرماسى بويىنشا 2000 باسقا جەتكىزۋ جوسپارى، 230 باسقا ارتىق شىعىپ، 111% ورىندالدى. ال، مەملەكەتتىك «قۇلان» باعدارلاماسى 300 باس بولىپ بەكىتىلسە، قازىرگى تاڭدا پايىزدىق مەجە 101% قۇراپ وتىر. ءبىر جىلعا مەجەلەنگەن جوسپاردى جەتى ايدا ورىنداپ ۇلگەرگەن تەرىسكەيدىڭ اۋىل شارۋاشىلىعى ماماندارى جۇمىستار مۇنىمەن توقتامايدى دەيدى. مال باسىن اسىلداندىرامەن دەپ نيەت ەتكەن شارۋالارمەن جۇمىستار ودان ءارى جۇرگىزىلە بەرمەك.
قارىز الۋشىلارعا تولەۋ قابىلەتىنىڭ بولۋى جانە قارجىلىق تۇراقتىلىق، ءوتىءنىش بەرگەن كۇننىڭ الدىنداعى سوڭعى 3 (ءۇش) ايدا سالىق جانە بيۋدجەتكە تولەنەتىن باسقا دا تولەمدەر بويىنشا مەرزىمى وتكەن بەرەشەگىنىڭ بولماۋى، سوڭعى ەسەپتى كۇنگە (ءوتىنىش بەرەتىن ايدا) ەدب جانە باسقا دا قارجى ينستيتۋتتارى الدىندا مەرزىمى وتكەن بەرەشەگىنىڭ بولماۋى، جاعىمسىز نەسيەلىك تاريحىنىڭ بولماۋى، مالدى ۇستاۋ ءۇشىن قاجەتتى ينفراقۇرىلىمنىڭ بولۋى سياقتى جانە باسقا دا تالاپتار قويىلادى. ءوز بيزنەسىن باستاۋ نەمەسە دامىتۋ ماقساتىندا «سىباعا» باعدارلاماسى اياسىندا نەسيە الۋعا وتىنىشپەن كەلەتىن جەكە ازاماتتار مەن شارۋا قوجالىقتارى از ەمەس.
http://oko-13.kz/
