تانىمال قازاقستاندىق گەرلز-بەندتەردىڭ ءبىرى ­ كەشYOU توبىنىڭ قۇرامى تاعى وزگەرەتىن بولدى. قازاقپاراتتىڭ جازۋىنشا، بۇل تۋرالى توپ مۇشەسى اقبوتا سەيىتماعامبەت ايتتى.

كەشYOUء-دىڭ پروديۋسەرى بايان ەسەنتايەۆا سان مارتە وزگەرگەن توپتىڭ سوڭعى جاڭا قۇرامىن 2015 جىلدىڭ اقپان ايىندا تانىستىرعان بولاتىن. اسقار ۇزابايەۆتىڭ «گلا­مۋر دليا دۋر» اتتى جاڭا فيلمىنە تۇسكەن اقبوتا سەيىتماعامبەت «گا­ككۋ» ارناسىنا سۇحبات بەرۋ بارىسىندا كەشYOU­ءدىڭ قۇرامىنان شىعۋدى جوسپارلايتىندىعىن ايتتى. «بارلىق قىزدار كەشYOU توبىنىڭ مۇشەسى بولعىسى كەلەدى. مەن دە كەتكىم كەلمەيدى. ءبىراق وتباسىلىق جاعدايىما بايلانىستى كەتۋگە ءماجبۇرمىن»، - دەدى ول. 19 جاستاعى اقبوتا ارم­انى انا اتانۋ ەكەندىگ­ءىن ايتىپ ءوتتى. «اللا قالاسا، مەن دە انا بولامىن. ايەل باقىتىنا جەتۋگە تىلەكشىلەرىم كوپ. مەن اياۋلى جار اتانۋىم كەرەك»، - دەيدى ­ءانشى. ا.سەيىتماعامبەت­ وڭتۇستىك قازاقستان وبلىسى كەنتاۋ قالاسىنى­ تۋماسى.

بۇگىنگى كۇنى كەشYOU توبىنىڭ قۇرامىندا سونداي-اق، سىر ەلىنىڭ تۋماسى 20 جاستاعى بالجان­ بيداش پەن الماتى وبلىسى ۇزىناعاش قالاسىندا دۇنيەگە كەلگەن 20 جاستاعى جۇلدىز ءومىرعالي بار. بايان ەسەنتايەۆانىڭ 2006 جىلى نەگىزى قالانعان اتالمىش جوباسىندا ءار جىلدارى انەل ارىنوۆا، زۋمراد گارايەۆا، ءمولدىر اۋەلبەكوۆا، نايليا زايىتوۆا، كامشات جولدىبايەۆا، جانار دۇعالوۆا جانە ايدانا مەدەنوۆالار ءان شىرقادى.