the-steppe.com سايتىندا «جالاڭاش (نيۋ) سۋرەتكە ءتۇسۋ – فوتوگروفپەن جاتادى دەگەن ءسوز ەمەس»،- كانادا ەلىندە تۇراتىن قازاق قىزى. 18+» دەگەن ورىس تىلىندەگى ماتەريال شىققان بولاتىن. شەتەلدەگى قازاق قىزى سۇحباتىندا قازاقستان جايلى، قازاقستان مەنتاليتەتى جايلى اشىق، ەرەكشە وي بىلدىرگەنىن ەسكەرە وتىرىپ قازاق تىلىنە اۋدارىپ، وقىرمان نازارىنا ۇسىنۋدى ءجون كوردىك.
موللي فاسسبەندەر: تورونتو قالاسىنداعى مودەلدىڭ كارەراسى، سلاتشەيمينگ جانە ەميگراسيا
مەن ۇنەمى سانگەر (مودەل) نەمەسە اكتريسا بولعىم كەلەتىن. مۇمكىن، كەز-كەلگەن قىز وسىنى ارماندايتىن شىعار. ماعان: «موللي، سەن سونداي ارىقسىڭ، بويىڭ ۇزىن! كوردە تۇر وسكەندە مودەل بولاسىڭ!» - دەيتىن.
ماعان بالا كەزىمدە سۋرەتكە ءتۇسۋ دەگەن وڭاي شارۋا بولىپ كورىنەتىن. تۇرا قالدىڭ، سۋرەتكە ءتۇسىردى، بولدى. سەن تاماشاسىڭ، ءبارى سەنى جاقسى كورەدى. كىم بىلگەن، سۋرەتكە ءتۇسۋدىڭ دە وسىنشا ماشاقاتى بولاتىنىن.
اگەنتتىكپەن جۇمىس ىستەگەن كەزدە سەن كۇندە فوتوسۋرەتتەگىدەي بولىپ ءجۇرۋىڭ كەرەك. مىسالى، كوك ءتۇستى شاشتارىڭ تۇبىنە دەيىن ءمىنسىز كوك بولۋ كەرەك. ەگەر اگەنتىڭ جوق بولسا وندا ءوزىڭدى-وزىڭ وسىرەسىڭ: ماركەتينگتىك ستراتەگيا قۇراسىڭ، پورتفولياڭدى جاڭعىرتىپ وتىراسىڭ، فوتوگرافتارمەن كەلىسەسىڭ، دۇرىس ادامدارمەن ارالاساسىڭ جانە دۇرىس جەرلەرگە عانا باراسىڭ. سەن – ءوزىڭ ساتىپ جۇرگەن ءونىمسىڭ. وزىڭە ماكياج جاساي ءبىلۋىڭ كەرەك، شاشىڭدى رەتكە كەلتىرە الۋىڭ كەرەك، ءفوتوتۇسىرىلىم جولدارىن ويلاستىرۋىڭ كەرەك، سونداي-اق، وتە كوپ جاراسىمدى كيىمدەرىڭ بولۋ كەرەك.
سۋرەتكە ادەمى تۇرىپ، ادەمى ءتۇسۋ تاجىريبە ارقىلى كەلەدى. مەن ءوزىم دە قۇربىلارىمدى بىرنەشە رەت سۋرەتكە تۇسىرگەم. بارلىعىنىڭ فوتوعا ءتۇسۋ ونەرى بىردەي. سەنىڭ سۋرەتكە تۇسىرگەنىڭدى كۇتىپ تۇرادى. ودان قالا بەرسە فوتواپپاراتتىڭ شەرتپەسىن باسا قالعان سوڭ بولدى، سۇرايتىندارى: «ەندى قالاي بولدى؟». ادامدار سۋرەتكە ءتۇسىرۋشى سولار ءۇشىن ءبارىن جاسايدى دەپ كۇتەدى. سول سەبەپتى، مەن Self-Study اۆتوپورترەتىمنىڭ توپتاماسىن باستادىم. ءوزىمدى سىرتتان كورگىم كەلدى. قاي بۇرىشتان تۇرىپ تۇسسەم قالاي كورىنەتىنىمدى تۇسىنگىم كەلدى. سۋرەتكە ءتۇسىرىپ جاتقان كەزدە نە بوپ جاتقانىن تۇسىنبەيسىڭ. ال، بۇل تاسىلمەن جاعدايدى تۇگەل باقىلاي الامىن.
جاڭا جەر
كاناداعا العاش رەت ءتىل كۋرسىنا 15 جىل بۇرىن كەلگەن بولاتىنمىن. بيسەكسۋالكا بولىپ ءجۇرىپ ءبىر كۇنى گەي-پارادقا تاپ بولدىم جانە بۇل «تاماشا!» ەكەن دەگەن شەشىمگە كەلدىم. مەن كۇندە قالانى قىدىراتىنمىن جانە ءوزىمدى ەركىن سەزىنەتىنمىن. سەبەبى، ەشكىمنىڭ مەندە جۇمىسى بولمايتىن، وزىممەن-وزىم بولدىم.
كانادا دا كىم بولىپ، قالاي جۇرەم دەسەڭ دە ءوز ەركىڭ. ەڭ باستىسى ەشكىمگە زيانىڭ تيمەۋ كەرەك.
كانادا ەلىنە 2013 جىلى Seneca كوللەدجىندە وقۋ ءۇشىن كەلدىم. العاشىندا جۋرناليستيكا باعدارلاماسىندا بولدىم، كەيىن حالىقارالىق بيزنەسكە اۋىستىم. سەبەبى، وسىلاي ديپلوم مەن جۇمىس بابىنداعى ۆيزانى الۋ وڭاي ەدى. اتا-انام وقۋ اقىسىمەن پاتەردىڭ جالعا بەرەتىن اقىسىن تولەپ وتىردى (800$). ايىنا كۇندەلىكتى قاجەتتىلىكتەرىم ءۇشىن 1000 $ الىپ وتىردىم. جۇمىس تاپقاننان كەيىن پاتەردىڭ اقىسىن ءوزىم تولەدىم.
العاشقى 3 راۋشان گۇلدى تاتۋيروۆكامدى كەلگەن جىلى جاساتتىم. انام ەكەۋمىزدىڭ ەسىمىمىز - راۋشان «ماريا بيكەشتىڭ گۇلدەرى» - دەگەن ماعىنا بەرەدى. دەنەمە ءۇش راۋشان گۇلىن سالعان سەبەبىم، مەنى ءۇش ايەل تاربيەلەدى. ولار اجەم، اپام جانە انام. العاشقى تاتۋيروۆكامنان كەيىن مەن تاعى دا دەنەمە سۋرەت سالدىرعىم كەلەتىنىن ءتۇسىندىم. ونىڭ اقشاسىن تولەۋ ءۇشىن قالاعا شىعىپ قىدىرۋدى قويدىم، تاماق ىشپەدىم، كيىم ساتىپ المادىم. مەن دەنەمە سۋرەت سالدىرۋ ءۇشىن 300 دوللاردان قالدىرىپ وتىردىم.
العاشقى ءتۇسىرىلىم
ءساۋىر ايىنىڭ 2015 جىلى ماعان فوتوگراف Ewan Phelan جازدى. ونى كوپتەن بەرى ينستاگرام جەلىسىنەن باقىلاپ جۇرگەم. ول ماعان ءوزىنىڭ پورتفوليوسى ءۇشىن سۋرەتكە ءتۇسۋىمدى ۇسىندى. مەن جالعىز لوندونعا كەلدىم (ونتاريو قالاسىنا). ءوزىم تانىمايتىن ادامنىڭ الدىندا جالاڭاش سۋرەتكە ءتۇسۋ ءۇشىن. قاتتى قورقتىم. ءبىراق، ول ءوزىن ناعىز كاسىپقوي مامان رەتىندە ۇستادى، ءسويتىپ مەن وعان سەندىم. ول مەنى وتىرعىزىپ قويىپ كەز كەلگەن ايەل ءوزىن جەڭسىكقۇمار (سەكسۋالنىي) سەزىنۋى كەرەك دەدى. ءوزىنىڭ كوپتەگەن كليەنتتەرىنىڭ جاسى 45-تە ەكەنىن ايتتى. ول ءار ءتۇرلى باعىتتاعى سۋرەتتەردى تۇسىرگەن (ءبۋدۋار-تۇسىرىلىم، گوموسەكسۋالدار، التەرناتيۆتى مودەلدەر). ول جايلى Huffington Post جانە Cosmopolitan جۋرنالدارى جازعان. ادەتتە مۇنداي تۇسىرىلىمدەر 1200 دوللار تۇرادى. ءبىراق، مەن ءۇشىن تەگىن بولدى. مەن 75 ءتۇرلى-تۇستى، اق-قارا ءتۇستى جانە high resolution سۋرەتتەرىن الدىم. ول سۋرەتتەر Missy Ink جۋرنالىندا شىقتى.
سول كەزدە مەن فوتوگرافتار سانگەرلەرگە رۇقساتسىز تيىسپەيتىنىن ءتۇسىندىم. كەرەك دەسەڭىز بەتىڭە تۇسكەن شاشتى الىپ تاستاۋ ءۇشىن دە رۇقسات سۇرايدى.
بۇتكىل ءتۇسىرىلىم بويىنشا ول ماعان قالاي تۇرۋ كەرەك، قالاي ەڭكەيۋ كەرەك، قاشان يىعىمدى ارتقا كوتەرۋ كەرەك دەگەندەردى ايتۋمەن بولدى. ال،كەلەسى كۇنى مەن مۇلدە جۇرە الماي قالدىم، ونە-بويىمنىڭ ءبارى اۋىرىپ تۇردى، ءبىراق، وسى تاجىريبەنىڭ ارقاسىندا مەن ءتۇسىرىلىم كەزىندە ءوزىمدى قالاي ۇستاۋ كەرەك ەكەنىن ءتۇسىندىم.
ءتان جايلى
ماعان ءتانىمدى كورسەتۋگە ەشكىم رۇقسات بەرمەيتىن. جەتى جاسىمدا وگەي اكەمنىڭ الدىندا جەڭىل جەيدەشەڭ جانە ءىش كيىممەن جۇرگەنىم ءۇشىن مەنى ورامالمەن قاتتى ۇرعان. سودان گارموندى بۇزىلۋلاردان كەيىن تولىپ كەتتىم. كەيىن ءتىپتى شومىلۋ كيىمىن دە كيمەۋگە تىرىستىم. FLEX بويىنشا اقش-قا بارعانىمدا eating disorder (اس قابىلداۋدىڭ بۇزىلۋى) دەگەن كۇيزەلىس دياگنوزىن قويىپ بەردى. سوسىن، قازاقستانعا كەلىپ برەكەت سالدىرتتىم، سودان، ءبىر اي بويى ەشتەڭە جەمەدىم. تەك ۋاقىت وتە دۇرىس تاماقتانا باستادىم جانە ءوز-وزىمدى تىڭداي باستادىم.
Self-Study ءۇشىن سۋرەتكە ءتۇسىپ جۇرگەنىمدە ءوزىمدى ەشقانداي فوتوشوپسىز زەرتتەگىم كەلدى. كەيدە ءىشىڭدى تارتىپ تۇرىپ سۋرەتكە تۇسەسىڭ، ىشىڭنەن ادەمى ءتۇسىپ جاتقان سياقتى سەزىنەسىڭ، ال شىن مانىسىندە ءبارى كەرىسىنشە. مەن تەرىمدى سوزىپ، ءىشىمدى شىعارىپ تا سۋرەتكە ءتۇسىپ كوردىم. (وز-وزىمە سەمىز سياقتى كورىنەتىنمىن، جىلاپ ءتۇسىرىلىمدى كەيىنگە قالدىراتىنمىن، ال سۋرەتتەردە ەشتەڭە بىلىنبەيدى، تەك ازداپ قانا بولماسا). سول كەزدەرى مەنىڭ ويىمشا مەندە body dysmorphic disorder (ديسمورفوفوبيا) بولعان سياقتى. Self-study مەنى وز-وزىمە سەنىمدى، ءبوديپوزيتيۆتى قىلدى. ارينە، ماعان لايكتى تىڭ ويلارىم ءۇشىن قويمايتىن، ونى جالاڭاش دەنەم مەن ارىقتىعىم ءۇشىن قوياتىن. مەنىڭ جازىلۋشىلارىم 3 توپقا ءبولىندى: بىرىنشىلەرى مەنى مودەل رەتىندە باعالاسا، ەكىنشىلەرىنە دەنەمە سالدىرتقان سۋرەتتەرىم ۇنايتىن، ال ۇشىنشىلەرى ارىقتىعىمدى باعالايتىن.
وسى جازدا تۇرمىسقا شىقتىم. سودان بەرى جالاڭاش سۋرەتكە تۇسكىم كەلمەيدى. رۇقسات بەرمەگەندىكتەن ەمەس ،ءجاي ىڭعايسىز. مەن ەندى بىرەۋلەرگە ۇناۋدان راحاتتانبايمىن. باسىندا مۇنىڭ ءبارى ءوز-وزىمدى تانىتۋ بولاتىن. جالپى جولداسىممەن كەزدەسكەندە مەنىڭ كوزىم اشىلدى. مەنى تەك بار بولمىسىممەن دە سۇيۋگە بولاتىنىن ءتۇسىندىم. جانە دە ءبىر قۋانتاتىنى مەنى جولداسىم ينستاگرامىمدى كورمەي تۇرىپ ۇناتىپ قالعان.
ۇيات بولادى
مەنىڭ دەنەمە سالىنعان سۋرەتتەر سانى وتە كوپ. ءبىراق، مەن ولاردى انامنان جاسىرىپ ءجۇردىم. اقپان ايىنىڭ 2016 جىلى وعان شىندىقتى ايتۋعا بەل بۋدىم، سەبەبى مەن ونى جاقسى كورەم جانە ەكەۋمىزدىڭ ارامىزدا قۇپيا بولعانىن قالامادىم. ءبىز سكايپ ارقىلى حابارلاسىپ تۇردىق. مەن دەنەمە سۋرەتتەردى وعان ەرەگەسكەننەن، ونىڭ قارسىلىعىنا قاراماستان سالدىرماعانىمدى ءتۇسىندىردىم. كەرىسىنشە ءوزىم ءۇشىن ىستەگەنىمدى جانە قالاي بولسا دا مەن ءبارىبىر دەنەمنىڭ بارلىق جەرىنە تاتۋ سالدىرتاتىنىمدى ايتتىم.
انام تەلەفوندى تاستاي سالدى. ماعان ىزاعا تولى ءۇش حات جىبەردى، ءسويتىپ، التى اي سويلەسپەدىك. اجەم مەن اتام بۇل جايلى بىلەتىن بولىپ شىقتى. ماعان: «ءبىز مۇنىڭدى قوشتامايمىز، ءبىراق سەنى ءبارى ءبىر جاقسى كورەمىز»،-دەدى.
شىن مانىسىندە بار ماسەلە دەنەمە سالدىرعان سۋرەت پەن فوتوسۋرەتتەرىمدە ەمەس ەدى. اتا-انام ەل-جۇرتتىڭ سوزىنەن قورقتى. مەنىڭ سۋرەتتەرىم ونىڭ جۇمىسىنا كەدەرگى بولا ما دەپ ۇرەيلەندى. دوستارىنىڭ كوزقاراسىنان دا قورقتى. مەنىڭ ويىمشا وتباسىم ماعان دۇرىس تاربيە بەرمەدى دەگەن كىنالاۋدان دا قورققان سياقتى. ءبىراق، ايتايىن دەگەنىم ادامدار اقىماق، ەگەر اتا–انامدى مەنىڭ سىرت كەلبەتىمە بولا كىنالايتىن بولسا.
اقشا مەن قۇندىلىق
مەندە كوپتەگەن اقىلى كەلىسىم-شارت بويىنشا ىستەيتىن ءبىر رەتتىك(گيگ) جۇمىستارىم بولدى. ەڭ كوپ تولەنگەن ءفوتوتۇسىرىلىم – 1،5 ساعاتقا 300 دوللار ەدى. ەڭ قىزىقتى گيگ ءتۇسىرىلىمىم Untitled and Co برەندىنا تۇسىرىلگەن ۆيدەولار ەدى. تاعى بىرنەشە جارنامالار دا بولدى. ءتولىم ءفوتوتۇسىرىلىمنىڭ تۇرىنە قاراي بەرىلەدى: جالاڭاش تۇسكەنىم ءۇشىن مەن ساعاتىنا 150 دوللار الام، ال كيىممەن تۇسەتىن قىزدار بۇل ۋاقىتتا 50 دوللاردان الادى. ەڭ قوماقتى قارجىنى فوتوگرافتارعا ارنالعان ۆوركشوپتان الدىم. سەگىز ساعات جۇمىس ىستەيسىڭ، جارتى ساعات ءۇزىلىس، بارلىعىنا 650 دوللار الدىم. جەكە پورتفولياڭدى مۇنداي تۇسىرىلىمنەن جاساي المايسىڭ. وندا كوبىنە تاجىريبەسىز فوتوگرافتار كەلەدى، سەنىڭ اينالاڭدا كامەرامەن ساعاتتاپ جۇگىرىپ جۇرەدى، ال، سول تۇسىرىلگەن سۋرەتتەردى سەن ەشقاشان كورمەۋىڭ دە مۇمكىن. ساعان اقشا تولەنىپ جاتقاندا سەنىڭ ەشقانداي سۋرەتكە قۇقىڭ جوق.
سوڭعى كەزدەرى مەن اگەنتىممەن كوپ جۇمىس ىستەپ جۇرگەن جوقپىن. ونىڭ تاپقاندارىنىڭ ءبارى نە جالاڭاش سۋرەتكە ءتۇسۋ، نە بولماسا بىرەۋمەن كامەرا الدىندا قۇشاقتاسىپ تۇرۋ.
يندۋستريا الەمىندە بارلىق اقىلى كەلىسىم-شارتتار ۇلكەن كوكىرەكتى مودەلدەرگە بەرىلىپ جاتادى. ولاردى ەركەكتەرگە كورسەتۋ ءۇشىن شىعارادى. بۇل مەن ءۇشىن ەمەس: ەگەر مەن جالاڭاش بولسام، ماعان قولدارىن تيگىزگەندەرىن قالامايمىن. مەن ماعان قاراۋ ءۇشىن جالاڭاشپىن. مىنە، مەن ادەمىمىن، ماعان قارا. مۇراجايدا جۇرگەندە سىزدەر سۋرەتتى قولدارىڭىزبەن ۇستاپ كورمەيسىزدەر عوي.
ەگەر سەن ماعان ەستەتيكالىق ءلاززات الۋ ءۇشىن قاراساڭ، وندا ول باسقا اڭگىمە. ال، كوپشىلىكتىڭ قوزدىرۋشى قارۋى بولۋ، ول مەنىڭ جۇمىسىم ەمەس، كەشىرىڭىز.
ءجۇز مىڭداعان جازىلۋشىسى بار كوپتەگەن فوتوگرافتار دارەجەلەرىن قولدانادى. بىرەۋلەرى بولادى بارىمەن سۋرەتكە تۇسىرەدى، ءبىراق ول ونىمەن توسەكتەس بولماساڭ ەشقاشان تۇسكەن سۋرەتتەرىڭدى بەرمەيدى. ماعان بۇل تۋرالى ەكى قىز ايتتى. ءتۇسىرىلىم كەزىندە مەندە دە سونداي ءبىر سۋرەتكە ءتۇسىرۋشى بولدى. ول: «و، نە دەگەن تاماشا ەدىڭ، ماعان ءۇزىلىس كەرەك» دەدى. مەن ونىڭ ماعان تيىسپەيتىنىن ءبىلدىم. ءبىراق، ءبارى-بىر ءوزىمدى جايسىز سەزىندىم، تەزىرەك سول جەردەن كەتىپ قالعىم كەلدى.
تورونتو قالاسىندا ءقازىر پلاستيكالىق وتالار وتە ايگىلى. ارينە، بۇل اركىمنىڭ ءوزىنىڭ جەكە ماسەلەسى، ءبىراق، وكىنىشتىسى بىركۇنى ارتۇرلىلىكتەن ايىرىلىپ قالامىز با دەپ قورقام. ءمىنسىز بىرەۋ جانە ونىڭ كوپتەگەن كوشىرمەلەرى بولادى. ەگەر بۇدان ءارى مەن تاعى دا كوپتەگەن جالاڭاش سۋرەتتەرىمدى جۇكتەگەن بولسام، وندا ءتوسىمدى جاساتار ەدىم، كىرپىكتەرىمدى، شاشىمدى وسىرەر ەدىم، مۇرنىمدى كىشىرەيتەر ەدىم، حيرۋرگتارمەن كەزلىسىپ جاعىمدى سۇيىرلەيتىن ەدىم، مەنىڭ جازىلۋشىلارىمنىڭ سانى دا اقىلى تۇسىرىلىمدەرىمدە كوبەيەر ەدى. ءبىراق، ول كەزدە ول مەن بولمايمىن.
بولاشاق جايلى
تورونتودا مودەل بيزنەسىمەن ءومىر باقي اينالىسۋ مۇمكىن ەمەس. جاقسى اقشا تولەيتىن فوتوگرافتار وتە از. ءساتى ءتۇسىپ قالسا ونشاقتىسىن تابارسىڭ. ءبىراق، اي سايىن ساعان تاپسىرىس بەرە بەرمەيدى. مودەلدى بيزنەستە التەرناتيۆتى مودەل بولىپ H&M سياقتى برەندتەرمەن جۇمىس ىستەمەسەڭ كوپ اقشا تابۋ مۇمكىن ەمەس. سونداي-اق، كادردا قىناپ مۇشەلەرىڭ كورىنگەنىن قالاماساڭ (مىسالى Suicide Girls فوتوتۇسىرىلىمدەرىنە ءتان سۋرەتتەر) قوماقتى اقشا تابۋ قيىن.
مەن ءالى دە مودەلدى يندۋستريادا جۇمىس ىستەۋگە دايىنمىن. ءبىراق، مەنىڭ ءوز شارتتارىم بار. مۇنىمەن قوسا مەن فاستفۋد ونىمدەرىمەن، سۇلۋلىق سالونىندا جانە دە كىتاپتارمەن دە، ياعني قىزمەت كورسەتۋ سالالارىندا دا جۇمىس ىستەگەم. نەگىزگى ارمانىم سۋرەت سالۋدى جالعاستىرۋ،بولماسا اشەكەيلەۋشى بولۋ، نە دەنەگە سۋرەت سالۋشى بولۋ. مەن بالا كەزىمنەن سۋرەت سالۋدى ۇناتام. جانە ونىمەن كۇندە اينالىسام.
سلاتشەيمينگ جايلى
بالا كەزىمدە مەنىڭ شاشىم ۇزىن بولاتىن. ماعان شاشىمدى جايىپ جۇرگەن ءۇشىن ايعايلاپ ۇرساتىن. سول ءۇشىن ۇياتى جوق، بەتىمەن كەتكەن ءتارتىپسىز دەيتىن. بەسىنشى سىنىپتان باستاپ بويانا باستادىم. مەكتەپ دارەتحاناسىندا كىرپىگىمدى بويايتىنمىن. مەنىڭ سىنىپ جەتەكشىم سىنىپتاعى قىزداردىڭ اتا-انالارىنا حابارلاسىپ مەنى جەزوكشە دەگەن بولاتىن. ونىڭ سوزىنشە ەشقانداي جىگىت مەنەن قۇر قالمايدى ەكەن. ولارعا مەنىمەن ارالاسپاۋعا كەڭەس بەرگەن ەكەن. سونداعى بار كىنام كىرپىكتەرىمدى بوياعانىم. ايتۋىنشا تىم كوزگە تۇسەتىندەي كورىنەدى ەكەم. وسىنىڭ ءبارىن سىنىپتاس قۇربىم ايتىپ بەردى. ال، مەن اناما ايتتىم. انام مەكتەپكە بارىپ ءبىر شۋلاتىپ كەتتى. كەيىن شاشىمدى جول-جول قىلىپ ءار-تۇرلى تۇسكە بويادىم. سول ءۇشىن دە جەزوكشە اتاندىم. ءبىر كۇنى جولاۋشىلار كولىگىندە مەنى ءبىر زەينەتكەر كوك ءتۇستى شاشىم ءۇشىن سولاي دەگەن بولاتىن.
كوبىنەسە جاعىمسىز پىكىرلەردى ءورىستىلدى ادامداردان ەستىدىم.
تەك ءورىستىلدى جازىلۋشىلارىم عانا : «ءيا، سەن سەمىزسىڭ! نەسىنە مۇنداي كيىم كيدىڭ؟! نە دەگەن سۇيكىمسىز تاتۋيروۆكالار»-دەپ جازادى. بۇل جەردە ەشكىم سەنىڭ جۇمىسىڭ، دەنەڭ، جالپى سەن جايلى جازبايدى.
مۇمكىن كوممۋنيستىك تارتىپتەن قالىپ كەتكەن تاربيە شىعار. ولارشا ءبارى بىردەي بولۋى كەرەك، ءبارى ءبىر دەڭگەيدە قالۋى كەرەك. كۇزەتشىسى جوق توزاق جايلى انەكدوتتاعىداي بولىپ تۇر عوي. بىرەۋى شىعىپ كەتەيىن دەسە، باسقالارى قايتا ارتقا قاراي كىرگىزىپ الادى. ءداستۇر داستۇرىمەن، ءبىراق ءبىز باسقا مادەنيەت جايلى ءبىر نارسە بىلۋگە دە تالپىنبايمىز. وسى مىنەزىمىز ارقىلى ءوزىمىزدى ءوزىمىز ارتقا سۇيرەيمىز. سلاتشەيمينگ دەگەن – كسرو ەلىندە جوق ءدىن مەن جىنىستىق قاتىناستىڭ (سەكس) ءتۇيىسۋى. قازاقستاندا ەگەر سەن جالاڭاش-مودەل بولساڭ، دەمەك سۋرەتكە تۇسىرۋشىمەن جىنىستىق قاتىناستا بولادى دەپ ويلايدى. شىندىعىندا ونداي مودەلدەر دە بار. ءبىراق، ول كوپ تاراعان تاجىريبەلەردىڭ ءبىرى ەمەس. ءجاي عانا وز-وزىڭە مىقتى بولۋىڭ كەرەك. ونداي كادرلارعا جاقىنداماۋ كەرەك.
ۇجىمشىلدىق، قاۋىپسىزدىك جانە اقپاراتتىق ۆاكۋۋم جايلى
ءبىز ۇجىمشىلمىز. ءوزىمىزدى وتباسى، جۇمىس، مەكتەپ دەگەن توپقا جاتقىزعاندى جاقسى كورەمىز. مۇنداعىلاردىڭ ءبارى داراشىلدار. ولار الدىمەن ءوز-وزىن تانىپ-بىلۋگە ۇمتىلادى، تەك سودان كەيىن باسقالارعا ۋاقىت بولەدى.
مەن ءوزىمدى قازاقستانعا قاراعاندا تورونتودا ءقاۋىپسىز سەزىنەمىن. قازاقستاننىڭ 8/1 بولىگىن عانا قۇرايتىن قالادا مەن سونشالىقتى قورىقپايمىن. ءبىر نارسە بولا قالسا ارى-بەرى وتكەن كىسىلەردەن كومەك سۇراساڭ مىندەتتى تۇردە كومەكتەسەدى. ەگەر حالىق ىزالانا باستاسا، مەملەكەتتىك ورگاندار جۇمىس ىستەي باستايدى. قازاقستاندا حالىق ەرەۋىلگە شىعا باستاسا ەشكىم ساۋساعىنىڭ ۇشىن دا جىبىرلاتپايدى.
قازاقستاندا مىنانداي قىزىق اڭگىمە بار: «قاي-قايداعىنى شىعارا بەرەدى ەكەنسىڭ، باسقالاردىڭ قولىنان كەلمەيتىندەي سەن نە ىستەي الاسىڭ؟»،- دەگەن. ەشكىم ساعان سەنبەيدى. ال، مۇندا كەرىسىنشە يدەيالار تالقىلانادى. سەن كىم بولام دەسەڭ دە ءوز ەركىڭ. باستىسى جۇمىس ىستە، سول كەزدە بار ەڭبەگىڭ اقتالادى.
بۇل شىندىق. ەرىنبەي ەڭبەك ەتسەڭ، ءوزىڭدى ەڭبەكقور ادام رەتىندە كورسەتىپ جانە وقۋعا دايىن ەكەنىڭدى بىلدىرسەڭ – ولار ساعان كومەك قولىن سوزادى. كوبىنەسە مەن قيىن كەزدەرى قولداۋدى تانىمايتىن ادامداردان كوردىم.
مەنىڭشە، قازاقستاننىڭ باستى ماسەلەلەرىنىڭ ءبىرى – اقپاراتتىق ۆاكۋۋم. مىسالى، شىمكەنت قالاسىندا كونتروسەپسيا دەگەننىڭ نە ەكەنىن بىلمەيتىن ادامدار ءالى بار.
مەنى كۇيزەلىسكە ۇشىراپ اۋرۋحاناعا جاتقىزعاندا انام ماعان قاتتى رەنجىپ حات جازعان بولاتىن. وندا مەنەن كوڭىلى قالعانىن، راحمەتى جوق بالا ەكەنىمدى جازعان. بىزدە ادامداردى پسيحيكالىق بۇزىلۋ دەگەنىمىز – مي قۇرايتىن حيميالىق ۇيلەسىمسىزدىك ەكەندىگىنە ۇيرەتپەيدى.
مەن كەيدە قازاقستاندىق اقپاراتتاردى قاراپ وتىرىپ تاڭ قالام. مەن دامۋعا قارسى تۇراتىن ادامداردىڭ ورتاسىنا كەلە الماس ەدىم. جالعىزدىڭ شاڭى شىقپاس دەمەي مە. ەگەر مەن «مەكتەپتەرگە سەكسۋالدى ءبىلىم جۇيەسىن ەنگىزۋ كەرەك!»،- دەپ ءسوز سويلەپ شىقسام، مەنى «بۇل جەردەن كوزىڭدى قۇرت، بۇزىلعان نەمە!»،- دەپ ايتار ەدى. مىنە، سول سەبەپتى، مەن ەلدەن كەتىپ قالدىم. ەشكىمنىڭ ىزاسىن كەلتىرمەۋ ءۇشىن. ءقازىر تىنىش قانا قالاعان ءومىرىمدى ءسۇرىپ جاتىرمىن..
مەن قولىمنان كەلگەنشە قازاقستان جايلى ايتىپ جۇرەم. تاماشا مادەنيەتىمىز، ادەمى قالالارىمىز جايلى، ءبىراق، كەيدە دەنى ساۋ ەمەس ادامدار جايلى دا ايتۋعا تۋرا كەلەدى. اربىردەن سوڭ، ارقامداعى بارىستىڭ سۋرەتىن بەكەرگە سالدىرعان جوقپىن. ول مەن ءۇشىن توتەمدى اڭىم سياقتى. مەن ءۇشىن قازاقستان – تۋىپ-وسكەن الىستاعى ءۇيىم. ءبىراق، مەن وندا بارعىم كەلمەيدى.
