تانىمال تۇرىك ءانشىسى بۋراي قازاق قىزدارىنان توقال العىسى كەلەتىنىن ايتتى،  دەپ حابارلايدى NUR.KZ. سايتى.

"الماتىعا كەلە سالا كوزىم تۇسكەنى - قازاق قىزدارىنىڭ سۇلۋلىعى. بۇرىن دا دوستارىم قازاقتىڭ قىزدارى وتە ادەمى دەپ ءجيى ايتاتىن. وسى جولى سوعان كوزىم جەتتى"، - دەيدى ءانشى.

"نەگىزى مەنىڭ بالا-شاعام، سۇيگەن جارىم بار. ءبىراق، قازاق قىزدارىنا عاشىق بولعانىم سونشا، ولاردىڭ ءبىرىن توقال ەتىپ السام دەگەن ارام وي دا كەلدى.

سىزدەردە ءتورت ايەلگە دەيىن الۋعا بولادى ەكەن. مەن دە قازاق قىزىن توقال رەتىندە تۇركياعا الىپ كەتسەم، ارمان جوق قوي، شىركىن"، - دەگەن ول كوكسەگەنىن ايتىپ سالدى.

جۋىردا ول الماتىنىڭ تورىندە دۇركىرەپ وتكەن "جىلدىڭ ۇزدىك ءانى" ءان بايقاۋىنا كەلگەن ەدى. تورەعالي جانە قايراتپەن دۋەت ايتقان بولاتىن. بۇل تۇستا تۇرىك ءانشىسى قازاق قىزدارىنا دەگەن كوزقاراسى ەرەكشە ەكەنىن ءبىلدىرىپ قويدى.

الماتىعا العاش رەت اياق باسىپ وتىرعان تۇرىك ءانشىسى قازاق قىزدارىنىڭ سۇلۋلىعىنا ءتانتى بولعانىن جاسىرمادى.

ول "Istersen" انىمەن ۇلكەن تانىمالدىلىققا يە بولعان. وسى ءانى حيتقا اينالىپ دۇنيەجۇزى چاتتارىنا ەندى. ەسىمى مۋزىكا الەمىندە 2004 جىلدان بەرى بەلگىلى بولعانىمەن، ول ءاندى كەيىن ايتا باستاعان. العاشىندا تۇرىك پوپ-مۋزىكانتتاردىӊ اندەرىنە ارانجيروۆكا جاساۋمەن اينالىسقان بۋراي، ءقازىر ءان ايتىپ ميلليونداعان ولەӊ سۇيەر قاۋىمنىӊ جۇرەگىن جاۋلادى.