ۇنەمى داۋ-جانجالدىڭ بەل ورتاسىندا جۇرەتىن اتى شۋلى مەرۋەرت تۇسىپبايەۆا ەندى مولدالارعا شۇيلىكتى. الماتىلىق مولدالار ءانشىنىڭ كوڭىلىن قالدىرعان سىڭايلى. بۇگىن ءىnstagram جەلىسىندەگى جەكە پاراقشاسىندا مەشىت مولدالارىنا دەگەن رەنىشىن جەتكىزدى.

ءانشى: «مەشىتتەگى نەمقۇرايلى، قالاي بولسا سولاي قارايتىن مولداسىماقتارعا جانىڭا سايا ىزدەپ، قىرشىننان قيىلعان باۋىرىڭا قۇران وقىتۋعا بارعانىڭىزدا سەنەسىز بە؟ ءبىر سۇرەنى ەكى مينۋتتا الاڭعاسارلانا وقي سالادى. اللادان قورىقپاي ما ەكەن؟»-دەيدى.

سوزىنە قاراساق، بۇگىن مارقۇم بولعان جاقىن ەكى ادامىنا قۇران باعىشتاۋ ءۇشىن مەشىتكە بارعان ەكەن. ءانشى كىرىپ بارعاندا اقشا ساناپ وتىرعان ەكى مولدا، مەرۋەرت قاعازعا جازىپ بەرگەن مارقۇمداردىڭ ەسىمدەرىن قاتە وقىعانعا ۇقسايدى. ءسوز سوڭىندا اكتريسا ولاردى «مولدەكەڭ» دەپ مىسقالداعان.