الەۋمەتتىك جەلىدە PewDiePie دەگەن لاقاپ اتپەن تانىمال شۆەدتىك گەيمەر (ويىنشى) فەليكس شەلبەرگ ەكىنشى جىل قاتارىنان  Forbes جۋرنالىنىڭ نۇسقاسى بويىنشا الەمدەگى باي ۆيدەوبلوگەرلەردىڭ كوشىن باستاپ تۇر. ساراپشىلار 50 ميلليون جازىلۋشىسى بار شۆەدتىكتىڭ تابىسىن وتكەن جىلدىڭ ماۋسىم ايىنان 2016 جىلدىڭ ماۋسىم ايىنا دەيىن 15 ميلليون دوللار دەپ باعالاپ وتىر.

بۇدان بۇرىنعى تابىسى 12 ميلليون دوللاردى قۇراعان بولاتىن. جۋرنالدىڭ ءتۇسىندىرۋى بويىنشا شەلبەرگتىڭ تابىسى ونىڭ YouTube كانالىنداعى ۆيدەوحوستينگىنىڭ تانىمالدىلىعىنا بايلانىستى ەمەس ەكەن. وعان قوسىمشا 100 مىڭ دانامەن ساتىلىپ كەتكەن كىتاپتارى دا اسەر ەتكەن.

ەكىنشى ورىندى ءبىر جىلعا 8 ميلليون دوللار تابىس تاپقان رومان ەتۆۋد اتتى ۆيدەوبلوگەر يەلەندى. تابىسىنىڭ جارتىسىن ول جادىگەرلەرى جانە «تۋا بىتكەن قالجىنباستار» اتتى فيلمىنەن تاپقان.

ءۇشىنشى ورىندا ستەنداپ-كۇلدىرگى ءارتىس ليللي سينگح تۇر. ونىڭ تابىسى ءبىر جىلدا ءۇش ەسەگە ءوسىپ 7،5 ميلليون دوللاردى قۇراعان. بلوگەرلىكتەن بولەك قوسىمشا ول ءوزىنىڭ جەكە برەندىن ساتۋمەن پايدا تابادى.

جۋرنالدا بارلىعى 12 ۆيدەوبلوگەرلەردىڭ ءتىزىمى بەرىلگەن. ساراپشىلاردىڭ پىكىرىنشە بارلىعىنىڭ قارجىسى 70 ميلليون دوللاردى قۇرايدى. ياعني، بىلتىرعى جىلمەن سالىستىرعاندا 23%-عا وسكەن.

اۋدارعان ايگەرىم ءامىر