|
پراپورششيكوۆ اۋىلىنىڭ تۇرعىنى پوليسيا قىزمەتكەرىنىڭ سۋرەتىنىڭ استىنا پىكىر جازىپ كەتكەنى ءۇشىن ايىپتى دەپ تانىلدى. |
بۇل تۋرالى “وسكەمەن جاڭالىقتارى” حابارلايدى.
اۋىل تۇرعىنى پوليسەيدىڭ قىزمەتتىك كولىكتىڭ قاسىندا تۇرىپ تۇسكەن سۋرەتىنە، قورلايتىن پىكىر جازعان.
گلۋبوكوۆ اۋداندىق پوليسياسى قىزمەتكەرىنىڭ سۋرەتى ۆكونتاكتە الەۋمەتتىك جەلىسىندە جاريالانىپتى. سۋرەت كەزەكتى پاترۋلدىك كەزەكشىلىك كەزىندە تۇسىرىلگەن.
پىكىر قالدىرۋشى – 29 جاستاعى تۇرعىن ەكەن. ءتارتىپ ساقشىسىنىڭ نامىسىنا تيەتىن پىكىر قالدىرعان اۆتوردى جىلدام تاۋىپ، قىلمىستىق ءىس قوزعالىپ، سوتقا جەتىپ ۇلگەرگەن.
بيلىك وكىلىن بالاعاتتاعانى ءۇشىن ول ەندى 100 اەك كولەمىندە ايىپپۇل تولەۋى ءتيىس. ۇكىم ءالى زاڭدى كۇشىنە ەنبەدى.
پىكىر قالدىرۋ