نوتتينگەم ۋنيۆەرسيتەتى مەن كاترين ۋنيۆەرسيتەتىنىڭ دوكتورى مارتين حاگگەر ادامنىڭ تۋا ءبىتتى مىنەزى دەنساۋلىعىنان حابار بەرەتىندىگىن مالىمدەدى.

مارتين حاگگەردىڭ ايتۋىنشا، مىنەز گەن مەن قورشاعان ورتاعا بايلانىستى قالىپتاسادى. تەگى مىقتى، قورشاعان ورتاسى ادەمى جەرلەردەن داڭقى ادامدار كوپ شىعادى.

سوندىقتان، دەنساۋلىقتىڭ مىنەزگە قاتىسى بارىن سەنىممەن ايتۋعا بولادى. مىنەزگە باي ادامدار ۇزاق جاسايدى ءارى كوپ اۋرۋ-سىرقاۋعا ۇشىراي بەرمەيدى.

ادامنىڭ دەنساۋلىعى بىرگە جۇمىس ىستەيتىن ارىپتەستەرىنە دە بايلانىستى ەكەن. ويتكەنى، ادامدار ءوز ءومىرىنىڭ ءبىر بولىگىن جۇمىستا وتكىزەدى.

كۆينسلەند ۋنيۆەرسيتەتىنىڭ عالىمدارى جۇرگىزگەن زەرتتەۋلەر كورسەتكەندەي، ۇجىم قانداي بولسا، ادامداردىڭ دەنساۋلىعى دا سوعان ۇقساس. 15 مەملەكەتتەن 19 مىڭ ادام قاتىسقان 58 زەرتتەۋ جۇمىستارى وسىنى كورسەتكەن.

«ەڭبەك ۇجىمىنىڭ ءبىر بولشەگىمىن» دەپ ويلايتىن جانداردىڭ دەنساۋلىعى جاقسى بولىپ شىققان. سونىمەن قاتار ولار قىزۋقاندىلىققا اپاراتىن ساتتەرمەن ءجيى ۇشىراسقان. الەۋمەتتىك يدەنتيفيكاسيا (ءوزىن بەلگىلى ءبىر الەۋمەتتىك توپقا جاتقىزاتىندار) ادامنىڭ فيزيكالىق جانە پسيحيكالىق جاعدايىنا قولايلى اسەر ەتەدى.

عالىمداردىڭ ايتۋىنشا، ۇجىم مۇشەلەرىنەن ءار ادامعا قولداۋ قاجەت. ۇجىم مۇشەلەرىنىڭ ۇيىمشىل بولۋى – وتە پايدالى. ونداي جەردە قۋانىش پەن قايعىنى بىردەي بولىسە الاسىز. جاناشىرىڭىز كوپ بولادى. ءبىر ەرەكشەلىگى: ايەلدەر كوبىرەك ۇجىمدا بايلانىس ناشار بولىپ شىققان.

«ايقىن» گازەتىنىڭ جازباسىنان