يتاليالىق سانبيكە قىز اۆسترالياعا ساپارى بارىسىندا وقىس جاعدايعا تاپ بولدى دەپ جازادى قامشى اقپاراتتىق اگەنتتىگى. بەتون تاقتاسى ۇستىنە قۇلاپ زارداپ شەككەن ول Prada كومپانياسىنداعى ارمانداعان جۇمىسىنان باس تارتۋعا ءماجبۇر بولدى. سەبەبى دارىگەرلەر وعان ەندى جۇرە المايتىندىعىن ايتقان.

2016 جىلدىڭ تامىز ايىندا گلەندا مەرليني اۆستراليالىق سەرفەرس-پارادايس جەرىنە ءوزىنىڭ سۇيىكتىسىمەن بىرگە اتتانعان. ول جەرگە ءوزىنىڭ تانىمال كومپانيامەن كەلىسسوزگە وتىرعانىن اتاپ وتپەك بولىپ بارادى. ەكى جاس قوناقۇيگە بارا جاتقان جولدا اۆتوكولىك تۇراعىنان ءوتىپ، تەمەگى تۇتەتپەك بولىپ توقتايدى. سول جەردە قىزعا بەتون تاقتاسى قۇلاپ دەنەسىندەگى ءبىراز سۇيەگىن سىندىرعان.

«ءدال سول  ساتتە مەنىمەن نە بولعانىن سەزدىم. قابىرعانىن ۇستىمە قۇلاعانىن ءتۇسىندىم»-دەيدى يتاليالىق سانيكە.

ارادا ءبىراز ۋاقىت وتكەن سوڭ قىز ءوزىنىڭ اياعىن سەزبەي قالعان. گلەندانىڭ ومىرتقا سۇيەگى،جانباس سۇيەگى سىنعان. جانە بۇل ول كورگەن زاردابىنىڭ جارتىسى عانا. ول جەرگىلىكتى اۋرۋحانادا 6 اپتا بويى ەمدەلگەن. Prada-داعى جۇمىس جايىنا قالدى. ءقازىر گلەندا قايتا قالپىنا كەلتىرۋ جۇمىستارىن جاساپ ەمدەلۋدە. ەڭ سوراقىسى، قىز ەندى ءومىر بويى مۇگەدەك ارباعا تاۋەلدى بولىپ قالدى.

شولۋشى: نازەركە مۇسا