ءبىر وتباسىنى باعىپ-قاعۋ ۇلكەن ەڭبەكتى تالاپ ەتەدى. ەرەسەكتەردىڭ ءوزى بۇل جۇكتى ارقالاۋدان قاشاتىن كەزەڭدە  كولۋمبيالىق 11 جاستاعى بالا ءبىر وتباسىنى اسىراۋ ارقىلى كوپشىلىككە ۇلگى كورسەتتى، دەپ حابارلايدى قامشى اقپاراتتىق اگەنتتىگى.

حۋان پابلو ەسىمدى 11 جاستاعى بالا مەن ءۇش ءىنىسى ءوز اكەلەرى جايلى ەشتەڭە بىلمەيدى. وسى ۋاقىتقا دەيىن انالارىمەن بىرگە تۇرىپ كەلگەن. الايدا ءبىر كۇنى اناسى ۇيدەن شىعىپ، سول كۇيى ورالماعان.

اناسىنىڭ تاستاپ كەتكەنىنە قاراماستان 11 جاستاعى بالا ەرەسەكتەرشە ءۇش ءىنىسىن اسىراپ وتىرعان.

 ىنىلەرى مەكتەپكە بارۋلارىن توقتاتپاعان. ىنىلەرى مەكتەپكە كەتكەندە، اعاسى كوشەگە شىعىپ بەيتانىس ادامداردان تاماق بەرۋىن ءوتىنىپ، كوشە كەزگەن. باستاپقىدا وسىلاي كۇن كەشىپ جۇرگەنىمەن، كەلە-كەلە اس قالدىقتارىن قوقىس جاشىكتەرىنەن ىزدەۋگە تۋرا كەلگەن.

كەز كەلگەن ەرەسەك ادامدى تاڭقالدىراتىن بۇل بالانىڭ ءىسى ماقتاۋعا تۇرارلىق.

جاسوسپىرىمدەردىڭ  بۇلاي ءومىر ءسۇرىپ جاتقاندارىنا قانشا ۋاقىت بولعانى بەلگىسىز. كورشىلەرى تۇنگى مەزگىلدە جىلاعان بالانىڭ داۋىسىن ەستىپ، پوليسيا شاقىرعان.

پوليسيا وفيسەرلەرى كەلگەندە، ءوز كوزدەرىنە وزدەرى سەنبەگەن. بارلىعى ءوز ورنىندا. ءۇيدىڭ ءىشى تازا بولعان. وسى ۋاقىتقا دەيىن 11 جاستاعى بالا وتباسىنىڭ بەرەكەسى ءۇشىن، باۋىرلارىنىڭ تاماق ىزدەپ كوشە كەزبەۋى ءۇشىن قولىنان كەلگەننىڭ ءبارىن جاساعان.

اتا-انالارىن تابا الماعاندىقتان، مەملەكەت 4 بالانى ءوز قامقورلىعىنا الىپ وتىر.

الداعى ۋاقىتتا حۋان دا باسقا بالالار سەكىلدى قامسىز ءومىردى كەشەدى دەگەن ۇمىتتەمىز. 

دايىنداعان : ايگەرىم تاۋباي