قازاقتىڭ ەكىنشى امىرەسى ديماش قۇدايبەرگەن تاعى ءبىر جۇلدەمەن ماراپاتتالدى. وك جۋرنالىنىڭ شەشىمى بويىنشا «جىلدىڭ ەڭ تانىمال ءانشىسى» اتاندى، دەپ حابارلايدى قامشى اقپاراتتىق اگەنتتىگى.
«OK جۋرنالىنىڭ شەشىمى بويىنشا «جىلدىڭ ەڭ تانىمال ءانشىسى» جۇلدەسىنە يە بولدىم! بارلىق Dears-تارىما جانە BG Talent-قا ۇلكەن راxمەت»، - دەپ جازدى ءانشى ءوزىنىڭ ينستاگرام پاراقشاسىندا.
ديماش قۇدايبەرگەن قىتايدا وتكەن "Singer-2017" بايقاۋىندا باعىن سىناپ، فينالعا دەيىن جەتكەن. ناتيجەسىندە، ميللياردتىڭ كوزايىمىنا اينالىپ، قازاق ەلىنىڭ ابىرويىن اسقاقتاتقان ەدى. الەمگە تانىمال ايگىلى تۇلعالار ديماشتىڭ ونەرىنە ءتانتى بولىپ، ءوز باعالارىن بەردى، فرانسياعا شاقىرتۋ الدى. ءانشىنىڭ ءالى دە باعىندىرار بيىگى كوپ.
شولۋشى: گۇلىم جاقان
