قاسيەتتى «قازاق ءتىلى» جانە دە
«قازاق ادەبيەتى» پاندەرىن،
اسىرماي قۇرتپاق كادەگە،
ماقتانشاق مەنىڭ «ماڭگى ەلىم!..»
قۋعاندار كىلەڭ باس پايدا،
جاعىمپاز «عالىمسىماقتار»،
اۋىزدارىن دا اشپاۋدا،
تۇنشىققان سان مىڭ سۇراقتار!..
«قازاق ءتىلى» سونشا ما،
ولتىرگەن كىمنىڭ بىرەۋىن؟
«قازاق ادەبيەتى» - بولسا دا،
كەرەكسىز، ءبارىن بىلەمىن...
ال، سوندا قايران قازاعىم،
تۇياق تا سەرىپپەي ولە مە؟
كوتەرىپ سان مىڭ مازاعىن،
قۇل بولىپ قۇلعا كونە مە؟..
بۇيتكەنشە وتتا جانايىن،
توز-توز عىپ ۇلتتى ۇلەستىر!
ايتىڭدارشى، اعايىن،
قۇلىنداعى داۋىسىمدى كىم ەستىر؟!!
