احمادينەجاد ماحمۋد 1956 جىلى  يران مەملەكەتى گريارمسار قالاسىندا دۇنيەگە كەلگەن دەپ جازادى قامشى اقپاراتتىق اگەنتتىگى.ول يران يسلام مەملەكەتىنىڭ 6-پرەزيدەنتى. تەگەراننىڭ عىلىم جانە ءوندىرىس ۋنيۆەرسيتەتىن ينجينەر ماماندىعى بويىنشا تامامداعان. ونىڭ پرەزيدەنت بولىپ قىزمەت ەتكەندەگى ىس-ارەكەتتەرى الەمدى تاڭقالدىرعان. ول پرەزيدەنت بولعان كەزىندە جۇمىسىنا اۆتوبۋسپەن باراتىن، ال ونىڭ زايىبى مەدرەسەدە تازالىقشى بولىپ ىستەيتىن. 

ونىڭ پرەزيدەنتتىك باسقارۋى كەزىندە:

1. FoxNews امەريكالىق تەلەارنا ءتىلشىسى يران پرەزيدەنتى ماحمۋد احمادينەجادتان: «تاڭەرتەڭ ايناعا قاراعاندا، ءسىز وزىڭىزگە نە دەيسىز؟» دەپ سۇراعاندا ول بىلاي جاۋاپ بەرىپتى: «مەن اينادان كورىنگەن ادامعا: «ۇمىتپا، سەن قاراپايىم قىزمەتشى عاناسىڭ» دەيمىن. 

2. احمادينەجاد، العاش رەت پرەزيدەنت كابينەتىنە كىرگەندە، كوپشىلىكتى تاڭعالدىرعان ارەكەت جاسايدى. اسا قىمبات يران (پارسى) كىلەمدەرىن تەگەران مەشىتتەرىنىڭ بىرىنە ساداقا ەتىپ، ونىڭ ورنىنا كادىمگى ارزان كىلەمدەردى توسەتتىرەدى. 

3. ول پرەزيدەنت بولا سالا، ءوز مۇلكىنە ماعلۇمداما (دەكلاراسيا) جاسايدى: پەجو اۆتوكولىگى 504 (1977 ج. ۇلگى) جانە تەگەراننىڭ كەدەي اۋداندارىنىڭ بىرىندە تۇرعان، اكەسىنەن 40 جىل بۇرىن مۇراعا قالعان شاعىن ەسكى ءۇي.

4. اكىمشىلىك قىزمەتكەرلەرىن قايران قالدىرعان تاعى ءبىر جايت - پرەزيدەنتتىڭ كۇن سايىن ۇستاپ كەلەتىن، كوتەرىپ قايتاتىن پورتفەلى. ونىڭ ىشىندە ايەلى ءوز قولىمەن ازىرلەگەن تاڭعى اسى – بىرنەشە بۋتەربرود نەمەسە ءزايتۇن مايى قوسىلعان نان مەن ىرىمشىك بولاتىن. 

5. ءوزى قونىس تەپكەن ءارى قىزمەت ىستەيتىن اۋدانداعى اۋلا سىپىرۋشىلارعا ءجيى كوشە سىپىرۋعا كومەكتەسەدى. 

6. ول ءاردايىم قوناق ۇيگە ات شالدىرعان كەزدە، ۇلكەن كەرەۋەتى بار كەڭ بولمە سۇرامايتىن، سەبەبى ول توسەكتە جاتقاندى ۇناتپايدى، جەرگە ماتراس توسەپ، كورپەگە ورانىپ ۇيىقتايدى.

7. ونىڭ باسشىلىعى تۇسىندا، ۇنەمى، ءمينيستردى قىزمەتكە تاعايىنداعان كەزدە، ولارعا بىرنەشە تارماقتان تۇراتىن قۇجاتقا قول قويدىراتىن، سونىڭ ىشىندە قۇباتوبەل عانا ءومىر ءسۇرۋ جانە ەسەپشوتتارى مەن تۋعان-تۋىستارىنىڭ ەسەپشوتتارى ءاردايىم تەكسەرىلەتىنى جايلى كەلىسىم. 

8. ول ءتىپتى پرەزيدەنتتىك ەڭبەكاقى دا المايدى، مۇنىسىن بارلىق بايلىق ۇلتىما تيەسىلى، مەن سونىڭ ساقتاۋشىسىمىن دەپ تۇسىندىرەتىن. 

9. ول پروفەسسورلىق-وقىتۋشىلىق قىزمەتتەن تۇسكەن 250 دوللار تابىسقا كۇنەلتەدى. ءوز ۇيىندە باۋ-باقشا، كوكونىس وسىرەدى، قوي باعادى.

اۋدارعان: ايبەك ورالحان

شولۋشى: اسەل وتەشوۆا