ادام ءوز ومىرىندە سانسىز قيىندىقتاردى باستان وتكەرەدى. سونداي جاعدايلاردا ءبىر ورىندا توقتاپ توقىراپ قالۋ ەڭ ءقاۋىپتى نارسە. كەيدە ومىردە بولاتىن بەلگىلى-بىر وقيعالاردىڭ جاقسى وزگەرىستەر اكەلەتىنىن ءبىز بىلمەي جاتامىز.

الايدا ول وزگەرىستەر ءبىز ويلاعاننان دا قيىن ءارى اۋىر بولۋى مۇمكىن.

راحاتبەك ۋسەنقوجويەۆ وسىنداي قيىندىقتاردى باستان كەشىرگەن ادامداردىڭ ءبىرى. ونىڭ ايەلى مەن  ءۇش بالاسى بولعان. قولىنان كەلگەنشە جۇمىس ىستەپ بالا-شاعاسىن اسىراعان. وسىدان 7 جىل بۇرىن راحاتبەك قۇلاپ قالىپ ارقاسىن زاقىمداپ الادى. سودان بەرى جۇرە الماي قالعان.

ايەلى مۇنداي اۋىرتپالىقتى كوتەرە الماي راحاتبەكتى بالالارىمەن بىرگە تاستاپ كەتكەن. سول كەزدە ول ءوزىنىڭ جاعدايىنا قاراماستان بالالاردى اسىراۋ كەرەكتىگىن ويلاپ جۇمىس ىستەيدى. بالالاردى اسىراۋ ونىڭ باستى ستيمۋلىنا، ماقساتىنا اينالادى.

راحاتبەك قولىنان ءىس كەلەتىنىن سەزەدى. اناسىنا بىلعارىدان سومكە تىگىپ بەرەدى. سودان باستاپ تىككەن سومكەلەرىن ساتا باستايدى. الايدا ءاۋ باستا ونىڭ سومكەلەرىنە سۇرانىس از بولادى. تاپقان تابىسى تەك ازىق-تۇلىككە عانا جەتەدى.

ارادا ءبىراز ۋاقىتتان كەيىن راحاتبەك ءوز قولىنان جاسالعان بۇيىمداردى اۋداندىق كورمەگە قويادى. سول كەزدە ادامدار ونىڭ بىلعارىدان جاساعان جۇمىستارىن كورەدى.

راحاتبەك قىرعىزستان ازاماتى. ول بىشكەكتەن 400 شاقىرىم جەردە ورنالاسقان اۋىلدا اتا-اناسى مەن ىنىسىمەن تۇرادى.  دەسە دە، بۇل جەردە عالامتور جۇمىس ىستەيدى. ەندى وعان تاۋار تاپسىرىستارى باسقا قالالاردان، ءتىپتى باسقا ەلدەردەن كەلىپ تۇسەدى.

سومكەلەردەن بولەك راحاتبەك بەلدىكتەر مەن بەلبەۋلەر تىگەدى. ءقازىر ول ءوزىنىڭ بالا-شاعاسىن اسىراۋعا مۇمكىندىگى بار.

جاقىندا وعان نەمىس دارگەرلەرىنەن ونى ەمدەۋگە بايلانىستى ۇسىنىستار ءتۇستى. دارگەرلەر ونى ەمدەۋگە قاۋقارلى ەكەندىكتەرىن ايتىپ وتا جاساۋعا دايىن ەكەندىكتەرىن بىلدىرگەن. الايدا ول ءۇشىن 50 000 ەۆرو قاجەت. سونىڭ وزىندە بۇل وتادان كەيىن راحاتبەك اياققا تۇرىپ كەتە الا ما، بەلگىسىز.

دايىنداعان: نازەركە مۇسا