قازاقتىڭ بۇلب ۇلى، كسرو حالىق ءارتىسى بيبىگۇل تولەگەنوۆا قازاقستاندىق تانىمال انشىلەر قايرات نۇرتاس پەن ديماش قۇدايبەرگەندى سالىستىردى، دەپ جازادى قامشى اقپاراتتىق اگەنتتىگى.
ەسكە سالا كەتەيىك، بۇدان بۇرىنعى سۇحباتتارىنىڭ بىرىندە بيبىگۇل تولەگەنوۆا قايرات نۇرتاستى ءانشى رەتىندە مۇلدەم مويىندامايتىنىن ايتقان. بۇل ويىنان ءالى دە اينىماعان سەكىلدى. استانا ارناسىنداعى "ەل اۋزىندا" باعدارلاماسىندا بەرگەن سۇحباتىندا دا ءدال سول ايتقانىن قايتالادى. ءبىراق بۇل جولى ديماشپەن سالىستىرا وتىرىپ سويلەدى.
ءوز سوزىندە قايرات پەن ديماشتىڭ اراسى جەر مەن كوكتەي ەكەنىن ءدوپ باسىپ ايتتى. "مەن ەكەۋى جەر مەن كوكتەي دەپ ايتار ەدىم. نۇرتاس دەگەن - جەر، ديماش دەگەن -كوك".
بىرنەشە كۇن بۇرىن قايرات نۇرتاستىڭ اناسى سۇحابتىندا ديماش پەن قايراتتى مۇلدەم سالىستىرۋعا كەلمەيتىنىن ايتقان. "ديماش قايرات بولا المايدى، قايرات ديماش بولا المايدى" دەگەن ءسوزى ارقىلى ەكى ءانشىنىڭ ساحنا الەمىندە وزىندىك جەكە ورىندارى بار ەكەنىن جەتكىزدى.
