اقش-تىڭ ميسسۋري شتاتىنىڭ تۇرعىنى، باستاۋىش سىنىپ ءمۇعالىمى لورين فلوگەر جۇكتىلىكتى ازىرشە جوسپارلاماعان ەدى. ونىڭ ءبىر قىزى بولدى. دەسە دە، ايەل جۇكتى ەكەنىن بىلگەندە كۇيەۋى ەكەۋىنىڭ باقىتىندا شەك بولمادى. قىزى دا ءسىڭلىسى نەمەسە ءىنىسى بولاتىنىنا قاتتى قۋانعان.

وتباسىلىق جۇپ بالا دۇنيەگە كەلگەننەن كەيىن كەلەسى كۇنى حالىققا تانىمال بولامىز دەپ ءۇش ۇيىقتاسا تۇسىنە دە كىرمەدى.

لورين جۇكتىلىكتىڭ 20-شى اپتاسىندا ۇلدى بولاتىنىن بىلگەن. دارىگەرلەر شارانا ءىرى بولاتىنىن بولجاعان. بۇل حابارعا ءمۇعالىم تاڭقالمادى. سەبەبى ونىڭ وتباسىنداعى جىگىتتەردىڭ كوبى اۋىر سالماقپەن دۇنيەگە كەلگەن ەكەن. دەسە دە، لورين دە كۇيەۋىنە الىپ باتىردى تارتۋ ەتەمىن دەپ ويلامادى.

ايەل تابيعي جولمەن بوساندى. جۋرناليستەرگە بەرگەن سۇحباتىندا لورين بوسانعاندا اۋىر بولعانىن، الايدا شىداۋعا كەلەتىنىن ايتقان. ونىڭ ۇستىنە بوسانعان ۋاقىتتا قاسىندا كۇيەۋى بولعان.

دارىگەرلەر ءسابيدىڭ سالماعىن ولشەي الماي وتىرعاندا لورين الىپ بالانى دۇنيەگە اكەلگەنىن تۇسىنگەن. دارىگەرلەر جەرتولەدەگى ەسكى تارازىنى الىپ كەلۋىنە تۋرا كەلگەن. كىشكەنتاي ءفيننىڭ سالماعى 6 كەلى ەكەنى انىقتالدى.

بۇعان قاتىستى بالادا دا، انادا دا ەشقانداي قيىنشىلىقتار بولمادى. ءقازىر فيننگە 3 اپتا بولدى. وسى ۋاقىت ارالىعىندا ول ءبىراز ءوسىپ ۇلگەرگەن. اناسىنىڭ ايتۋىنشا فين كۇن ساناپ ەمەس، ساعاتتاپ ءوسىپ جاتىر.

بالانىڭ سالماعى ءلوريننىڭ تۋىستارىن دا تاڭقالدىردى. ايەلدىڭ اپكەسى قالجىڭداپ ءوزىنىڭ جەڭىلگەندىگىن ايتىپ، بۇدان ۇلكەن بالانى دۇنيەگە الىپ كەلە المايتىنىن ايتقان. فلوگەرلەر وتباسى ومىرىندەگى ەڭ باقىتتى كۇندەردى باستان وتكەرىپ جاتقانىن جەتكىزەدى. 

دايىنداعان: اسەم المۇحانبەت