Periscope الەۋمەتتىك جەلىسىندە تىكەلەي ەفيردە سۇمدىق  جاعداي ورىن الدى. تىكەلەي ەفيردەن اياق-قولى  ورىندىققا بايلانعان قىزدى كورگەن كەزدە العاشىندا ەشكىم سەنە قويمادى. ءبىراق ءبىراز ۋاقىتتان كەيىن ادامدار بۇل وقيعانىڭ شىنايى ەكەنىن تۇسىنەدى. كەيىن بارلىعى قىزدى قۇتقارعىسى كەلىپ، وعان بىرنەشە سۇراقتار قويا باستادى. سول سۇراقتار ارقىلى وعان كومەكتەسكىلەرى كەلدى. بۇل وقيعا 29 مامىردان 30 مامىر ارالىعىنداعى تۇندە ورىن العان. العاشىندا ترانسلياسيا sdrjh434hgfg3 اتالعان بولاتىن. كەيىن باسقا اتاۋلارمەن تىكەلەي ەفيرگە شىعا باستادى.

كادرداعى قىز ەشتەڭە ىستەي المادى، ءتىپتى سويلەي دە الماعان. ول تەك باسىن قوزعالتىپ وتىردى. اتالعان سۇمدىق وقيعا ماسكەۋ قالاسىندا بولعان. قىزعا كومەك كورسەتۋ ءۇشىن «گوۆوريت موسكۆا» راديو ستانسياسى كومەكتەسۋگە تىرىستى. ولار قىزعا بىرنەشە سۇراقتار قويىپ وتىردى، ال قىز بولسا باسىن قوزعالتىپ جاۋاپ بەرگەن.

قىز ونى بىرەۋلەردىڭ ۇرلاپ كەتكەنىن، ماسكەۋدىڭ شىعىسىندا ەكەنىن راستاعان بولاتىن. سونىمەن بىرگە قىز تىكەلەي ەفيردەن كەيىن قانداي جاعدايعا تاپ بولاتىنىن بىلمەيتىنىن ىمداپ بىلدىرگەن. قىزدىڭ ايتۋىنشا، ونى ۇرلاپ كەتىپتى، كەيىن ول ءبىراز ۋاقىت بويى ەسىنەن تانىپ جاتقان كورىنەدى. 9 مينۋتتان كەيىن قىزدىڭ  وتىرعان جەرىندە ستاكان سىنىپ، تۇسىنىكسىز دىبىستار شىعا باسايدى. ءبىراز ۋاقىتتان كەيىن تىكەلەي ەفير اياقتالادى. اتالعان راديوستانسيا بارلىق مالىمەتتەرى جيناقتاعانىمەن، ەشقانداي كومەك كورسەتە المادى.

ءبىراق بارلىعى باسقاشا اياقتالدى. 30 مامىر كۇنى تاڭەرتەڭ قىز ءوزىنىڭ امان ەكەنىن مالىمدەپ، وزىنە كومەكتەسپەكشى بولعان ادامدارعا العىسىن ءبىلدىردى. بۇل تىكەلەي ەفير ويدان شىعارىلعان ەكەن. ەگەر وسىنداي جاعداي ورىن السا مەملەكەتتىك قىزمەتكەرلەرمەن قوسا وزگە ادامدار  قانداي ارەكەتكە باراتىنىن بىلگىسى كەلگەن. وكىنىشكە وراي ەشكىم كومەكتەسە العان جوق.

قازىرگى كەزدە وسىنداي وقيعالار كوپ كەزدەسەدى. بۇرىندارى قىلمىسكەرلەر ادامدى تىعىلىپ زورلاپ، ءولتىرۋشى ەدى، ال قازىرگى كەزدە بارلىعى اشىق تۇردە وتۋدە. بارلىعى انىق كورسەتىلىپ، اشىق تۇردە قىلمىس جاسالسا دا ەشقانداي كومەك كورسەتىلمەيتىنى وكىنىشتى. 

اۋدارعان: اسەل وتەشوۆا