ايدەن كولەر 10 جاستاعى قاراپايىم بالا بولاتىن. ونىڭ اكەسى بۇرىنعى اسكەري قىزمەتكەر بالاسىنىڭ جەتىستىكتەرىمەن ماقتاناتىن. ايدەن سپورتپەن شۇعىلداندى. سونىڭ ىشىندە فۋتبول، باسكەتبول، كۇرەس سەكسياسىنا دا قاتىساتىن.

ءبىر كۇنى ايدەن جاتتىعۋلاردىڭ بىرىندە تالىپ قالادى. جاتتىقتىرۋشىسى ونى اۋرۋحاناعا تەزىرەك جەتكىزۋگە تىرىسادى. دارىگەرلەر اكەسىنە ايدەننىڭ ميى شايقالعان دەيدى. الايدا كۇننەن-كۇنگە ونىڭ دەنساۋلىعى ناشارلاي بەرەدى. ۋاقىت وتە كەلە ايدەن جۇرۋدەن قالادى، قيمىل قوزعالىسى دا سيرەي باستايدى. ءتىپتى ءسوز ساپتاۋى دا وزگەرەدى، بالا سويلەۋگە دە قينالادى.

از عانا ۋاقىت بۇرىن ويناپ جۇرگەن بالا اياق استى اۋرۋعا شالدىعادى.  ايدەندە بىرنەشە ىسىكتىڭ بارى انىقتالادى. ميىنا ورنىققان وبىر اعزانىڭ بارلىعىن قۇرتىپ بارا جاتتى. دارىگەرلەر بالانىڭ شامامەن ءبىر جىلى عانا قالدى دەگەن سۇراپىل شىندىقتى ايتقاندا اكەسى قاتتى قاپالانعان.

تاعدىردىڭ مۇنداي ۇكىمىن ايدەننىڭ اكەسى قابىلداعىسى كەلەمەسە دە، ۇلىنىڭ سوڭعى جىلىن ەستەن كەتپەستەي وتكىزگە تىرىسادى.

سۇيىكتى كومانداسىنىڭ جاتتىعۋىنا قاتىسىپ، ءوزىنىڭ سۇيىكتى سپورتشىلارىمەن كەزدەسەدى.

ايدەننىڭ اكەسى بيلل كۇن سايىن بالاسى ءۇشىن دۇعا ەتكەن. جازىلىپ كەتەتىن شىعار دەگەن اكەلىك ءۇمىت ۇلىنىڭ كۇن ساناپ ازىپ-توزىپ بارا جاتقانىن كورگەندە ءبىر-اق ۇزىلەدى.

ءومىرىنىڭ سوڭعى ساتتەرىنىڭ بىرىندە ايدەن اتا-اناسىمەن قوشتاسقىسى كەلىپ، سوڭعى ءوتىنىشىن ايتادى. ءوزىنىڭ جانازاسىندا ەشكىمنىڭ قايعىرماۋىن، قارا كيىنبەۋىن، جىلاپ-سىقتاماۋىن وتىنەدى.  جانازاسىندا ان-كۇي، بي بولىپ كوڭىلدى ءوتۋىن سۇرايدى.

بالاسىنىڭ سوڭعى دەمى شىققانعا دەيىن بيلل ونىڭ قاسىندا بولادى. بۇل تراگەديا ونى شىن مانىندە قاتتى ەسەڭگىرەتتى. سوعىس وشاعىنان ورالعان كەزدە ۇلى ونىڭ ومىرگە قايتا ورالۋىنا سەبەپكەر بولعان، ءومىرىنىڭ ءمانى بولعان.  بۇل قايعىدان ارىلۋعا وعان ايەلى مەن بالالارى كومەكتەستى.

ەر ادامدى قىنجىلتقان باستى نارسە –ونىڭ دارمەنسىزدىگى، ۇلىنا ەش كومەكتەسە الماعاندىعى بولدى.

ايدەننىڭ اتا-اناسى قانشا قينالعانىمەن ۇلدارىنىڭ سوڭعى ءوتىنىشىن ورىندادى. ايدەندى سوڭعى ساپارعا موتوسيكليستەر باعانىمەن شىعارىپ سالدى.

اتا-انا ءۇشىن بالاسىنان ايىرىلۋدان وزگە قاسىرەت جوق دەيدى. نە دەگەنمەن، الەمدە ەمى جوق اۋرۋلار بار. سولاردىڭ ءبىرى-وبىر. قازىرگى زاماندا وسى دەرتتىڭ ەمىن تابۋ قانشالىقتى ماڭىزدى ەكەنىن وسىنداي وقيعالاردان كەيىن تۇسىنەسىڭ.

شولۋشى: نازەركە مۇسا