قازاقتىڭ بۇلب ۇلى، كسرو حالىق ءارتىسى بيبىگۇل تولەگەنوۆا ديماش قۇدايبەرگەندى كوككە، ال قايرات نۇرتاستى جەرگە تەڭەگەن بولاتىن. "اۋرۋدا شانشۋ، سوزدە قاڭقۋ جامان" دەگەندەي، قايرات نۇرتاستىڭ ارتىنان قاڭقۋ ءسوز قالماي كەلدى. جاستا بولسا ەرتە ەسەيگەن ونەر يەسى. ب. تولەگەنوۆا اپامىز بۇل جولى تىم قاتتى ايتىپتى.
مەنىڭشە ب.تولەگەنوۆا سولاي كەرى ايتۋىنا قازاق ءتىلى مەن رۋحىنا قىرىن قاراۋشىلىعىنان قاراستىرعانىمىز ءجون. شەتەلدىڭ داڭعازا، ماڭگۇرتتەندىرەتىن اۋەنىنە ءۇيىر جاستاردى قايرات، قازاق ونەرىنە قايتاردى.
تالاي جىلدىڭ الدىندا ب. تولەگەنوۆا، م.شاحانوۆتىڭ جوعارىعا جازعان ءتىل تۋرالى قازاق زيالىلاردىڭ قاتارىنا، فاميليام جازىلىپ كەتىپتى دەپ شىر- پىر بولعانى بار.
ونىمەن قويماي ورىس ءتىلىن بۇرىننان سويلەپ ءجۇرمىز دەپ قازاق ءتىلىن كەرەكسىز قىلعانى ۇمىتىلعان جوق. ءوزىن الەمگە تانىتقان قازاق ءتىلدى اندەر ەكەنىن ۇمىتىپ، قازاق تىلىنە جەرىنە قاراعانى سانالى جۇرتتىڭ ەسىندە. دەمەك وسىنداي قۇندىلىققا قىرىن قارايتىن ول كىسى قايراتتى جەرگە ۇرعانىنا تاڭقالمايمىز.
بۇل جەردە ديماشتىڭ ونەرىنە قۇرمەتپەن قارايمىز. الايدا قايرات ەل ىشىندەگى رۋحاني جاڭعىرۋدىڭ ۇلتتىق شەبەرلىكتەگى ءان ەرۋرەسەتى. ەسترادا ءان ساتىسىنىڭ شىڭى دەپ باعا بەرۋگە بولادى. ونى سول مۋزىكا ماماندارى بەرىپ جۇرگەن ءارى حالىقتىڭ باعاسى.
ول باسقا ءتىلسىز، رۋحسىز انشىلەرگە ۇقسامايدى وزگەشە دارالىعى بار. ماسكەۋدە ورىس جەرىندە تۇرىپ ورىنبور قازاقتىڭ جەرى دەۋى ەرلىكپەن پارا پار. تىلگە دەگدار بولۋى، مەشىت سالدىرۋى، يمان كەلتىرىپ، ناماز وقۋى جاس تا بولسا اقىل، پاراساتىنىڭ بارلىعى. سىن ايتۋشى قازاق ءتىلىن كەرەكسىز ەتتى، ال قايرات سول انا ءتىلىنىڭ دامۋىن ۇندەدى. وسىندا ەكەۋى تەڭ بە، تەڭ ەمەس.
اقىل ادامنىڭ جاسىنا ەمەس، باسىنا قونادى ەكەن وسىعان قاراعاندا. ديماش پەن قايرات اندەرى قۇستىڭ قوس قاناتىنداي، ءبىرىن-بىرى تولىقتىرىپ وتىرادى...
سەرىك بوقان
