حالىقارالىق بالالار قۇقىعىن قورعايتىن Save The Children ۇيىمى كامەلەت جاسقا تولماي جۇكتى بولۋدىڭ سالدارى تۋرالى ۆيدەو جاريالادى دەپ حابارلايدى قامشى اقپاراتتىق اگەنتتىگى. وندا كىشكەنتاي قىز قۋىرشاققا ارنالعان قوراپتى تاعاتسىزدانا اشىپ، ونىڭ ىشىنەن جۇكتىلىكتى انىقتايتىن قۇرالدى كورەدى. ىشىنەن «ءار ەكى سەكۋندتا ءبىر قىز دۇنيەگە كەلەدى» دەپ جازىلعان حاتتى تاۋىپ الادى.

بۇۇ مالىمەتىنشە، جاس انالار كوبىنە اۋىلدىق جەرلەردە، الەۋەتى تومەن ادامدار تۇراتىن جانە ءبىلىم دەڭگەيى تومەن اۋدانداردا تۇرادى. كوپ جاعدايدا ولار مەكتەپتى تاستاپ كەتەدى.

جىل سايىن الەمدە 16 ميلليونعا جۋىق 15-19 جاس ارالىعىنداعى قىزدار انا اتانادى. ءبىر ميلليونعا جۋىعى 15 جاسقا دەيىن جۇكتى بولىپ ۇلگەرەدى.

جىل سايىن 10 مەن 19 جاس ارالىعىنداعى 70 مىڭ قىز جۇكتىلىك كەزىندە نەمەسە بوسانىپ جاتقان ۋاقىتتا كوز جۇمادى. 

شولۋشى: اسەم المۇحانبەت