باس پروكۋراتۋرادا 2017 جىلدىڭ 1ء-شى جارتىجىلدىق جۇمىسى قورىتىندىلانىپ، ەلباسىنىڭ «100 ناقتى قادام» ۇلت جوسپارى مەن قازاقستان حالقىنا جىل سايىنعى جولداۋىندا كوزدەلگەن ستراتەگيالىق تاپسىرمالارى تالقىلاندى، دەپ حابارلايدى Qamshy.kz اقپارات اگەنتتىگى.
ج. اسانوۆ كونستيتۋسيانىڭ پروكۋراتۋرا تۋرالى 83-بابىنا 22 جىلدىڭ ىشىندە العاش رەت وزگەرىستەر ەنگىزىلگەنىن، جاڭا زاڭ قابىلدانعانىن اتاپ ءوتتى. بۇلاردىڭ بارلىعى ادامداردىڭ قۇقىقتارى مەن بوستاندىقتارىن، قوعام، بيزنەس پەن مەملەكەت مۇددەسىن قورعاۋداعى جۇمىستاردى كۇشەيتۋگە باعىتتالعان.
الداعى كەزەڭگە تاپسىرمالار ايقىندالدى:
- كونستيتۋسيادا بەكىتىلگەندەي مەملەكەت اتىنان قىلمىستىق قۋدالاۋدى جۇرگىزۋ مىندەتىن ساپالى ىسكە اسىرىپ، پروسەسسۋالدىق پروكۋرورلاردىڭ ءرولىن ارتتىرۋ ارقىلى ولاردىڭ نازارىن قىلمىستىق پروسەسكە بارىنشا اۋدارۋ.
- ە-قىلمىستىق پەن ە-اكىمشىلىك ءىس اقپاراتتىق جۇيەلەرى مەن «زاڭدىلىق» اقپاراتتىق-تالدامالىق جۇيەلەردى ودان ءارى ەنگىزۋدى جالعاستىرۋ. بۇل جۇيەلەر ىستەر بويىنشا ءوندىرىستىڭ ساپاسىن ارتتىرادى، قاجەتسىز قۇجات اينالىمىن ازايتادى، ءىس ماتەريالدارىن بۇرمالاۋعا جول بەرمەيدى، بارلىق ساتىدا ۋاقىت ۇنەمدەيدى، سونداي-اق ءىستى جۇرگىزۋ ساتىسى مەن سوتقا جونەلتۋ كەزىندەدە پروسەستىك ولقىلىقتى بولدىرمايدى.
- ازاماتتاردىڭ وتىنىشتەرىن قاراۋ بارىسىندا جاڭا ادىستەردى، ونىڭ ىشىندە وڭىرلەردە قۇقىق قورعاۋ قىزمەتتەرى ورتالىقتارىن اشۋدى جۇزەگە اسىرۋ. ازاماتتاردىڭ وتىنىشتەرىن قاراۋ جۇمىسىن جاڭا ءارى ساپالى دەڭگەيگە كوتەرۋ ءۇشىن پروكۋراتۋرا الاڭىندا ورتالىقتار اشىلىپ، وندا ءبىر توپ كاسىبي ماماندار (پروكۋرور، ادۆوكات، مەدياتور، نوتاريۋس، پسيحولوگ، پروباسيا قىزمەتى مەن اكىمدىك وكىلدەرى) تەگىن كوپسالالى قۇقىقتىق كومەك كورسەتەتىن بولادى. بۇل ۇلت جوسپارىنىڭ 100ء-شى قادامىنان باستاۋ الىپ، قۇقىقتىق قىزمەت كورسەتۋدى ءبىر جەردە شوعىرلاندىرۋدى كوزدەيدى.
ءدال وسى كۇنى باس پروكۋراتۋرادا قۇقىق قورعاۋ قىزمەتتەرى ورتالىعىنىڭ اشىلۋى بولىپ ءوتتى (بۇدان ءارى - ورتالىق).
ورتالىق باس پروكۋراتۋرا عيماراتىندا ورنالاستى. ونىڭ جالپى اۋدانى مىڭ شارشى مەترگە جۋىق الاڭدى قامتىپ، زاماناۋي ينجەنەرلىك-تەحنيكالىق جابدىقتارمەن، ەلەكتروندىق كەزەك جۇيەسىمەن، «Connection Point» وز-وزىنە قىزمەت كورسەتۋ سەكتورىمەن، سونداي-اق كۇتۋ زالى جانە وزگە دە قاجەتتى ينفراقۇرىلىممەن جابدىقتالعان.
اتالعان ورتالىقتا ازاماتتارعا تاجىريبەلى پروكۋرورلار قۇقىقتىق كومەك كورسەتەدى. ازاماتتاردىڭ ارىز-شاعىمدارىن ۋاقىتىلى ءارى ءتيىمدى شەشۋ ءۇشىن بۇل جۇمىسقا وزگە دە زاڭگەرلەر تارتىلادى (ادۆوكاتتار، مەدياتورلار، نوتاريۋستار، پروباسيا قىزمەتكەرلەرى جانە ت.ب.).
ورتالىقتىڭ باستى ماقساتى - ازاماتتارعا اشىق، جاريالى تۇردە كومەك كورسەتىپ، ولاردى اۋرە-سارساڭعا سالماي قۇقىعىن جەدەل تۇردە قورعاۋ.
