قازاقستان سىرتقى ىستەر مينيسترلىگى جەرگىلىكتى ب ا ق قىتايمەن شەكارادا ۇستالدى دەپ حابارلاعان قازاقستاندىق ستۋدەنت اققۋ ەرەنبەككە قاتىستى ونىڭ تۋىستارى مەن تانىستارىنان اقپارات تۇسكەن جاعدايدا ونى "ەگجەي-تەگجەيلى تەكسەرۋگە دايىن ەكەنىن مالىمدەدى، دەپ جازادى Qamshy.kz اقپارات اگەنتتىگى.

قازاقستان سىرتقى ىستەر مينيسترلىگىنىڭ باسپا ءسوز حاتشىسى ءانۋار جايناقوۆتىڭ سوزىنشە، مينيسترلىك ۇستالعان ستۋدەنت تۋرالى اقپاراتتى تەكسەرۋگە كىرىسكەن، ءبىراق ونىڭ ءتولقۇجات دەرەكتەرى قاجەت. "كەيبىر اقپاراتتاردا كەلتىرىلگەن تۋىستارى، تانىستارى مەن جاقىندارىنىڭ ەشقايسىسى قازاقستان سىرتقى ىستەر مينيسترلىگىنە كومەك سۇراپ جۇگىنگەن جوق. ەگەر ونداي اقپارات تۇسسە نەمەسە بىزگە قىزدىڭ قازاقستان ازاماتى ەكەنىن راستايتىن ءتولقۇجات مالىمەتتەرىن بەرسە وندا بارىنشا تەكسەرىپ، ءتيىستى اقپاراتتى سۇراتامىز" دەگەن جايناقوۆ قازاقپاراتقا.

جەرگىلىكتى باق-تىڭ حابارلاۋىنشا، سارسەن امانجولوۆ اتىنداعى شىعىس قازاقستان مەملەكەتتىك ۋنيۆەرسيتەتىنىڭ 19 جاستاعى ستۋدەنتى اققۋ ەرەنبەك ۇيالى تەلەفونىنان قۇران جانە "قىلمىس" رومانى تابىلعانى ءۇشىن تۇتقىندالعان. س.امانجولوۆ اتىنداعى شىعىس قازاقستان مەملەكەتتىك ۋنيۆەرسيتەتىنىڭ تۇلەگى اققۋ ەرەنبەك جازدىق دەمالىستا قىتايداعى ۇيىنە قايتار جولدا مايقاپشاعاي-جەمەنەي شەكاراسىندا جۇڭگو قاۋىپسىزدىك قىزمەتكەرلەرى جاعىنان تۇتقىندالعان.

"قىلمىس" رومانى دۇنيەجۇزى قازاقتارىنىڭ قاۋىمداستىعى جاعىنان باسپادان شىققان. اۆتورى قىتايدا 40 جىل تۇرمەدە وتىرعان قازاق قاجىعۇمار شابدان ۇلى.