مەيرامبەك بەسبايەۆ بايان ماقسات قىزىنىڭ كىتابىن وقىپ ۋاقىتىن بوسقا شىعىنداعىسى كەلمەيتىنىن ايتتى.

بۇل تۋرالى مەيرامبەك بەسپايەۆ  Zhuldyz.tv ارناسىنا بەرگەن سۇحباتىندا ايتتى، دەپ حابارلايدى Qamshy.kz اقپارات اگەنتتىگى.  

وتاندىق باعدارلامالاردىڭ بىرىندە مەيرامبەك بەسبايەۆ ءوزى جايلى، ونەرى جايلى ءبىراز سىر شەرتتى. ايتىلعان اڭگىمەدەن  قازاق قىزدارىنىڭ كەلەشەگى دە تىس قالمادى. بۇگىندە كوپشىلىكتىڭ نازارىنا ىلىگىپ جۇرگەن  بايان ماقسات قىزىنىڭ ءوزى تۋرالى جازعان كىتابىنا قاتىستى پىكىرىن دە ايتىپ ءوتتى. ءانشىنىڭ ايتۋىنشا، بايان ماقسات قىزى مەن دينارا ءساتجان سىندى تانىمالدار قازاق قىزدارىنا وتە ۇلكەن ىقپال جاساپ وتىر. ءانشى قازاق قىزدارى ءۇشىن ۋايىمدايتىنىن ايتىپ، بايان ماقسات قىزى مەن دينارا ءساتجان سىندى تانىمال تۇلعالاردىڭ ارەكەتتەرىن قۇپتامايتىنىن جەتكىزدى. 

“مەن ومىردە ايەل ادامداردىڭ كىتابىن وقي المايتىن شىعارمىن. سەبەبى، بىرەۋدىڭ ومىرىنە ارالاسقىم كەلمەيدى. “شىن مانىندە مىناداي بولعان ەكەن عوي” دەپ وسەك ءسوز تاسىعىم كەلمەيدى. تەك قىز بالالاردىڭ ىشىندە اقىنداردىڭ كىتابىن وقيتىن ەدىم. مىسالى، پوەزيادان فاريزانى وقيتىن ەدىم. ال بىرگە ءومىر ءسۇرىپ كەلە جاتقان زامانداستىرىمىزدىڭ ىشكى دۇنيەسىن بىلگىم كەلمەيدى. ءقازىر بىر-ەكى قىزعا قاراكوزدەرىمىز ۇرىنىپ، سولار سەكىلدى بولعىلارى كەلىپ ءجۇر.

مىسالى، دينارا ءساتجان، بايان ەسەنتايەۆا سياقتىلار قىزدارىمىزدى تاربيەلەپ جاتىر. بۇل نارسەنىڭ سوڭى جاقسىلىققا اكەلىپ سوقتىرا ما، جاماندىققا اكەلىپ سوقتىرا ما بىلمەيمىن. ءبىراق، قاراكوزدەرىمىزدىڭ سولارعا ەلىكتەپ جاتقاندارى راس. جالاڭاش دەنەسىن كورسەتۋدى ۇيات ەمەس دەگەن كەلتىرۋ دۇرىس ەمەس. كەي جەردە ادەپتى اتتاپ ءوتىپ جاتىر. مۇنى سانگە اينالدىرعاندارى مەنى كەيدە قىنجىلتادى. مەن ونداي ادامداردىڭ كىتابىن وقىمايمىن، ۋاقىتىمدى بوس كەتىرگىم كەلمەيدى»، دەيدى مەيرامبەك بەسبايەۆ.