تالدىقورعان وبلىسى اقسۋ اۋدانى جانسۇگىروۆ كەنىتىنىڭ تۇرعىنى باقىتبەك قينايات ۇلى قۇرىلىسشى بولعان. بىرەۋلەرگە ءۇي سالىپ، ەندى ءبىرىنىڭ ۇيلەرىن ارلەپ جۇرگەن ۋاقىتتا دەنساۋلىعى سىر بەرە باستاعان. 52 جاسقا تاياعان شاعىندا اسقازانىندا جارا بار ەكەنىن بىلگەن ەر ادام بۇگىندە توسەككە تاڭىلعان.
ءار بالا ءۇشىن اكە – اسقار تاۋ، بەرىك تىرەك. ءبىر وتباسىنىڭ 4 بىردەي قاراكوزدى ارۋلارى اسقار تاۋىمىز شاعىلا ما دەگەن ۇرەيمەن تۇندە ۇيقىلارىنان، كۇندىز كۇلكىلەرىنەن ايىرىلعان. ارنا، ديدار، ۇلبولسىن، گاۋحار ەسىمدى قىزداردىڭ اناسى قوجاقىمەت بۇلعىن اسىل جارىمەن ۇزاق تا باقىتتى عۇمىر كەشۋدى جاتپاي-تۇرماي قۇدايدان تىلەپ كەلەدى. قىزداردىڭ تاۋى شاعىلماي، انا جۇرەگىنىڭ تىنىشتالۋىنا ەلىمىزدىڭ قالتالى ازاماتتارى ءبىر سەپتىگىن تيگىزەر، قول ۇشىن سوزار دەگەن نيەتپەن Qamshy.kz اقپارات اگەنتتىگىنىڭ ءتىلشىسى وتباسى مۇشەلەرىمەن تىلدەسىپ، جاعدايدىڭ ءمان-جايىن وقىرمان نازارىنا ۇسىنادى.
"اكەم مەن ءۇشىن – بار الەممەن تەڭ"
52 جاستاعى باقىتبەك قينايات ۇلى عاسىردىڭ ورتا بەلىنە كەلگەندە تاعدىردىڭ اۋىر تالقىسىمەن كۇرەسۋگە ءماجبۇر. اسقازان اۋرۋىنا شالدىققان 4 قىزدىڭ اكەسى نەمەرە-شوبەرەلەرىنىڭ قىزىعىن ءالى تالاي كورۋدى ارماندايدى. الايدا الاڭسىز كۇندەردىڭ بىرىندە وتباسىندا داۋىل تۇرىپ، ءالى دە تىيىلماي جاتقان كورىنەدى. وتباسىنىڭ ۇلكەن قىزى ارناگۇل باقىتبەك قىزى اكەسىنىڭ ەمدەلىپ، اياعىنان تىك تۇرىپ كەتۋى ءۇشىن حالىقتان كومەك سۇرايدى.
باقىتبەك قينايات ۇلىنىڭ اسقازان جاراسى اسقىنىپ، ۇيقى بەزىنە دەيىن وتكەن. تالدىقورعانداعى ونكولوگيا بولىمىندە وپەراسيا جاساتقان، الايدا دارىگەرلەر جارانى الا الماعان. اسقازاندى پىشاق تەسسە، ومىرىنە ۇلكەن ءقاۋىپ تونەرىن بىلگەن ولار وڭەشتى قيىپ الىپ، قايتادان جاماپ قويعان. جاعدايى تۇزەلمەگەن سوڭ حيميالىق جولمەن 4 مارتە ەمدەۋگە كىرىسەدى. اۋرۋى اسقىنعان اكەنىڭ تەك 3 ەمگە عانا شاماسى جەتكەن. 4ء-شىسىن كوتەرە المايتىندىقتان دارىگەرلەر رۇقسات ەتپەگەن. ال ەر ادامنىڭ جاعدايى سول كۇيى وزگەرىسسىز قالدى. وتباسىن اسىراپ وتىرعان ادامنىڭ بۇگىندە ءحالى ناشارلاپ، تىم قاتتى ازىپ كەتكەن، قۇر سىلدەرى قالعان. الايدا قىزدارى ۇمىتتەرىن ۇزبەك ەمەس، جازىلىپ كەتەتىنىنە، ءدال بۇرىنعى قالپىنا قايتا كەلىپ، نەمەرەلەرىنىڭ اراسىندا ءالى تالاي قىزىققا باتاتىنىنا ولار سەنىمدى.
باقىتبەك قىزى ارناگۇل:
«اكەم – مەن ءۇشىن ومىردە قايتالانبايتىن تۇلعا. اكەمنەن ارتىق ەشكىمىم جوق. ول مەن ءۇشىن – بار الەم. جازىلىپ، اياعىنان تىك تۇرىپ كەتسە ەكەن...».
ارناگۇلدەن وزگە، ديدار مەن ۇلبولسىن دا اكەلەرى ءۇشىن كۇن-تۇن دەمەي تىلەك تىلەۋمەن كۇن كەشىپ كەلەدى. ءۇش قىزى دا تۇرمىس قۇرعان، بالا-شاعاسى بار. الايدا ءوز وتباسىن 10 كۇنگە تاستاپ، اكەلەرىن قاراۋعا، جانىندا بولۋعا كەزەكتەسىپ كەلىپ تۇرادى ەكەن. اتا-انانىڭ ونەگەلى تاربيەسىن كورىپ وسكەن قىزدار اكەلەرىن ءبىر كۇنگە جالعىز قالدىرماعان، سەبەبى ءار ادام ءۇشىن جاقىنىنان ارتىق قولداۋ مەن دەمەۋدىڭ جوق ەكەنىن ولار جاقسى بىلەدى.
پەرىشتە-تىلەك
ال ەڭ كىشى قىزى گاۋحار 9 جاستا، مەكتەپ وقۋشىسى. ساباعىن 5-كە وقيدى. مەكتەپتى ۇزدىك ءبىتىرىپ، بىلىكتى مامان اتانۋ، اكەسى مەن اناسىنىڭ ءۇمىتىن اقتاۋ – كىشكەنتاي عانا ءبۇلدىرشىننىڭ باستى ارمانى. ءبۇلدىرشىن شاعىندا ءومىردىڭ اۋىر سىناعىمەن بەتپە-بەت كەلگەن گاۋحار اكەسىنىڭ ءالى ايىعىپ كەتەتىنىنە نىق سەنىمدى.
«مەن اكەمدى جاقسى كورەمىن. ونىڭ توسەك تارتىپ جاتقانىن كورگەندە قاتتى قينالامىن. مەنىمەن ويناپ، بۇرىنعىداي قىدىرعانىن قالايمىن. تەك كۇلىپ جۇرسە ەكەن. ماعان ودان ارتىق ەشتەڭە كەرەك جوق».
انالارى بۇلعىن مەكتەپتە ەدەن جۋادى. ونىڭ تاپقانى اكەسىنىڭ دارىلەرىنەن ارتىلمايدى.
ءۇمىت ءالى دە بار...
الماتىلىق دارىگەردىڭ ايتۋىنشا، باقىتبەك قينايات ۇلىنىڭ ەمىن قىتايدان تابۋعا بولادى. ايۋدىڭ مايىنان، وتىنەن جاسالعان دارىدەن اكەلەرى ايىعۋى مۇمكىن. الايدا وتباسىندا ءبىر عانا ادام جۇمىس ىستەگەندىكتەن، جاعدايدىڭ كەلمەيتىنىنە قىزدارى مەن اناسىنىڭ قابىرعالارى قايىسىپ وتىر. سەبەبى الگى دارىلەردىڭ باعاسى تىم قىمبات كورىنەدى. ونىڭ ۇستىنە قىتايعا بارىپ ەمدەلسە، اۋرۋىنان تولىق ايىعار ەدى دەيدى. تەك قاراجاتتىڭ جەتىسپەۋشىلىگى مەن قول ۇشىن سوزاتىن مەيىرىمدى جاننىڭ جوقتىعى مۇمكىندىكتىڭ ىسكە اسۋىنا جول بەرمەي وتىر. ال جەرگىلىكتى اۋرۋحانالار دارى-دارمەك جازىپ بەرۋدەن وزگەسىنە جاراماي وتىر.
قازاق حالقى باۋىرىن جالعىزسىراتپاعان، قاشان دا قول ۇشىن سوزىپ، قينالعان اعايىننىڭ ءۇمىت وتىن قايتا جاققان. وسى جولى دا ءۇنسىز قالماس دەگەن نيەتىمىز بار، سەبەبى ءار قازاق بىر-بىرىنە باۋىر. 4 بىردەي ارۋدىڭ تاۋى شاعىلماسىن دەسەڭىز تومەندەگى تەلەفون نومىرلەرىنە حابارلاسىپ، كومەك بەرۋگە اسىعىڭىز!
Kaspi bank: 5169490261515802، يين:900308404170
Halyk bank: 5354510076538619، يين:900308404170
بايلانىس نومىرلەرى: باقىتبەك قىزى ارناگۇل 87773859084
87057276942
قامشىگەر: گۇلىم جاقان
پىكىر قالدىرۋ