اۋعانستان قاۋىپسىزدىك كۇشتەرى يراك ەلشىلىگىندە جارىلىس ۇيىمداستىرعان دايش تەرروريستىك ۇيىمىنىڭ جاۋىنگەرلەرىمەن قاقتىعىسقا ءتۇستى، دەپ جازادى Qamshy.kz اقپارات اگەنتتىگى. اۋعانستان ءىىم حابارلاۋىنشا، تەرروريست ەلشىلىك ماڭىندا ءوزىن جارىپ جىبەرگەن، سول ۋاقىتتا ءۇش قارۋلى ادام عيماراتتىڭ ىشىنە ەنۋگە تىرىسقان.

مينيسترلىكتىڭ وكىلى نادجيب دانيش يراكتىق ديپلوماتتارعا ەش ءقاۋىپ تونبەگەنىن ايتىپ، وقيعا ورنىندا وپەراسيانىڭ ءالى جالعاسىپ جاتقانىن مالىمدەدى. زارداپ شەككەندەر جايىندا اقپارات شىققان جوق. تەك عيماراتتان ادامداردىڭ ەۆاكۋاسيايلانعانى انىقتالعان.

دايش ۇيىمى شابۋىلدىڭ جاۋاپكەشىلىگىن مويىندارىنا الدى. بۇل تۋرالى جەرگىلىكتى Amaq اگەنتتىگى حابارلايدى.

ايتا كەتەيىك، جىل باسىنان بەرى كابۋلدا تاليبان مەن دايش ۇيىمداستىرعان 7 جارىلىس بولدى.