بەلگىلى جۋرناليست سەرىك جانبولات جازۋشىلار وداعىنا پيار ءۇشىن بايان ەسەنتايەۆانى  قابىلداعاننان ەش ۇتىلمايتىنىن ايتتى دەپ حابارلايدى Qamshy.kz  اقپارات اگەنتتىگى. بۇل تۋرالى سەرىك جانبولات ءوزىنىڭ Facebook الەۋمەتتىك جەلىسىندە جازعان بولاتىن.

«ەگەر جازۋشىلار وداعىنا زاماناۋي پيار كەرەك بولسا،وندا بايان ەسەنتايەۆانى مۇشەلىككە قابىلداعاننان ۇتىلمايدى. ويتكەنى، زاماناۋي مەنەدجمەنتتىڭ ارباسى العا شىقتى ءقازىر، PR زاڭدىلىقتارى ورىپ اكەتىپ بارادى. كاپيتاليزمنىڭ باستاۋىندا وتىرعانداعىمىز بۇل. تەلەديداردىڭ تورىندەگى انشىلەر - سونىڭ قارلىعاشتارى عانا. الدا جانتالاسىپ پيار قۋالايتىن كۇندەر كەلە جاتىر. ويتكەنى، جارنامانىڭ سونداي قۇدىرەتى بار. جارناماسى بار ادامنىڭ كىتابىن قۋالاپ ءجۇرىپ وقيمىز ءالى. ال، ءوزىن قوعامعا قويار دا قويماي وتكىزىپ وتىرعان ادامنىڭ ءبىرى - بايان ەسەنتايەۆا. نارىقتىڭ، بازاردىڭ كوزىمەن قاراساق، ول - فەنومەن. ال، كاپيتاليزم جازۋشىلار وداعىن اينالىپ وتەدى دەگەن زاڭدىلىق جوق. قازاق ءتىلى دە كاپيتال تىلىنە اينالماعان سوڭ - بەيشارا كۇيدە. كىم ءوزىنىڭ بويىندا باردى كاپيتال تىلىنە اينالدىرا الادى، سونىڭ ءسوزى - ءسوز. ءوزى - ءوتىمدى تاۋار. ارينە، مەنىڭ وسى پىكىرىم ءۇشىن سىزدەر مەنى ايامايتىندارىڭىزدى بىلەمىن. ءبىراق، مەن مۇنى قارل ماركس جازعان كاپيتالدىڭ زاڭدىلىقتارىنا سۇيەنىپ ايتىپ وتىرمىن. مەن وسىنى قالايىن، قالامايىن، نارىقتىڭ قاراپايىم زاڭدارى مەنەن دە، سىزدەن دە ەشتەڭەنى سۇرامايدى. كەشەگى تاريحىڭ دا كەرەك ەمەس وعان. ادەبيەت - تاۋار ول ءۇشىن. بۇل دوڭگەلەك بىزگە دەيىن دە وسى مەحانيزممەن اينالعان. سولاي اينالدىرادى ءبىزدى ءالى. قالاي بۇلقىنساق تا ءبىز نارىق زاڭدارمەن ءومىر سۇرۋگە ءماجبۇر بولامىز.ال، نارىق زاڭدارىن كىم جاقسى مەڭگەردى، سول الدىمىزدا جۇرەتىن بولادى. ال، بۇل - فاكت!»،- دەدى سەرىك جانبولات.