ماكەدونيا مەن بولگاريا 1 تامىزدا ەكى ەل اراسىنداعى بۇرىنعى الاۋىزدىقتارعا نۇكتە قويىپ، دوستىق جونىندە كەلىسىمگە قول قويدى، دەپ حابارلايدى Qamshy.kz اقپارات اگەنتتىگى. كەلىسىم ماكەدونيانىڭ ەۋروپالىق وداققا مۇشە بولۋىنا مۇمكىندىكتى ارتتىرادى.
ماكەدونيانىڭ شىعىستاعى كورشىسىمەن بۇعان دەيىنگى ارا-قاتىناسى ەلدىڭ ناتو مەن ەو قۇرامىنا كىرۋىنە كەدەرگى كەلتىرگەن. ەكى مەملەكەتتى ءدىني، تاريحي جانە تىلدىك قاتىناستار بايلانىستىرعانىمەن، بولگاريا ماكەدونيالىق ءتىلدى بولگار ءتىلىنىڭ ديالەكتىسى دەپ مويىنداماي كەلگەن.
ەل استانالارى سكوپە مەن سوفيا جاڭا كەلىسىمىنىڭ اراداعى الاۋىزدىقتى جوياتىنىنا سەنىمدى. دوستىق جونىندەگى كەلىسىم «ەكى ەل اراسىنداعى جانە بۇكىل ايماقتاعى ساياسي قارىم-قاتىناستاردى تۇراقتاندىرۋعا مۇمكىندىك بەرەدى» دەدى ماكەدونيانىڭ پرەمەر-مينيسترى زوران زايەۆ بولگاريا پرەمەر-مينيسترى بويكو بوريسوۆپەن كەلىسىمگە قول قويۋ بارىسىنان كەيىن.
كەلىسىمگە سايكەس، ناتو مەن ەو قۇرامىندا بۇرىننان بار بولگاريا ەندى ماكەدونيانىڭ دا اتالمىش ۇيىمدارعا مۇشە بولۋى ءۇشىن قولداۋ تانىتاتىن بولادى. ەكى مەملەكەت تە ەكونوميكالىق بايلانىستى نىعايتىپ، اۋماقتىق نارازىلىقتاردان باس تارتاتىنىن مالىمدەدى.
پىكىر قالدىرۋ