شىعىس قازاقستان وبلىسى تارباعاتاي اۋدانى  ىرعىزباي اۋىلىنىڭ  تۇرعىنى بولات قۇنانباي ۇلى   50 مىڭ دانا  اسىقتان، الەمدە تەڭدەسى جوق  الىپ  اسىق جاساعان. اسىق  التى اي بويى توقىلىپ جاسالدى. الىپ اسىقتى ەكى اي بۇرىن ەكسپو كورمەسىنە قويادى دەپ جاڭالىقتاردان كورسەتىپ ەدى. ءبىراق اسىق ەكسپو كورمەسىنە قويىلماعان.  بۇل اقپاراتتى ق ر ينۆەستيسيالار جانە دامۋ مينيسترلىگى اقپاراتتىق قامتاماسىز ەتۋ دەپارتامەنتىنىڭ ديرەكتورى بەرىك ءۋالي ءوزىنىڭ Facebook پاراقشاسىنا جاريالاعان بولاتىن.

«2014 جىلى ءساۋىر ايىنىن 16 جۇلدىزىندا  35 000 اسىقپەن گيننەستىڭ رەكوردتار كىتابىنا ەنگەن. ەندى بۇل اسىق 50 000 داناعا جەتتى. اسىقتى الەمدىك رەكوردتار كىتابىنا ەنگىزۋگە بولادى.  بۇل اسىق  جاقسىلىق تىلەپ تۇراتىن قازاقتىڭ تۇمارى ىسپەتتەس دۇنيە. اسىعىڭ الشىسىنان ءتۇسسىن دەگەن ماعىنادا جاسالعان بولاتىن. ىرعىزباي دوسحان ۇلىنىڭ باسىنا كەلگەندەر عانا ەمەس، قازاقستانعا كەلۋشىلەر جانە شەتەل ازاماتتارى  كورسە ەكەن دەگەن تىلەگىم بار»،- دەيدى الىپ اسىقتىڭ اۆتورى بولات اعامىز

«التى الاشقا ءمالىم بولعان ەكى توننالىق اسىق، جوعارىدان ۋادە ەتىلگەن كورمەدە ەمەس، كۇنگە قاڭسىپ پالاتكانىڭ استىندا تۇر»،- دەدى بەرىك ءۋالي