قاراساي اۋدانىنىڭ اكىمشىلىگى الماتى وبلىسىندا اپاتقا ۇشىراعان ۇشاقتا قازا تاپقان ازاماتتاردىڭ ەسىمىن اتادى دەپ حابارلايدى Qamshy.kz اقپارات اگەنتتىگى.

قاراساي اۋدانى اكىمىنىڭ ورىنباسارى نۇرجان ساتىبەكوۆ اپاتقا ۇشىراعان «تەحنام 2002» ۇشاعىندا 2 ادام بولعانىن مالىمدەگەن.

«ولار 1977 جىلعى نۇسقاۋشى س. پ. كۋرچەنكو جانە 1996 جىلعى كۋرسانت ە. ابىشيەۆ. كۋرچەنكو ۋكراينا ازاماتى بولۋى مۇمكىن دەگەن بولجامدار بار. ناقتى اقپارات ءالى دە انىقتالۋدا. تەكسەرۋ جۇمىستارى جالعاسىپ جاتىر. وقيعا ورنىندا پوليسەي قىزمەتكەرلەرى، ءورت سوندىرۋشىلەر، قۇتقارۋشىلار جۇمىس ىستەپ جاتىر»، – دەدى نۇرجان ساتىبەكوۆ.

ايتا كەتەيىك، بۇگىن تاڭعى ساعات 09:53-تە ازەم اەرودرومىنىڭ ايماعىنا «تەحنام 2002» ۇشاعى قۇلادى. اۋە كەمەسى ازاماتتىق اۆياسيا كوميتەتىنە تيەسىلى.