الەۋمەتتىك جەلى –قوعاممەن بايلانىسقا شىعاتىن ەڭ ىڭعايلى قۇرال. كەيبىرەۋلەر ءۇشىن بيزنەس كوزى بولسا، ەلدىڭ اۋزىندا جۇرگەن جۇلدىزدار ءۇشىن ءوز جەكە ءومىرى مەن شىعارماشىلىعىن جارنامالاۋدىڭ ەڭ ءتيىمدى ءتاسىلى. قازىرگى تاڭدا بۇل قالىپتى جاعدايعا اينالعان. الايدا، ەڭ سوراقىسى، الەۋمەتتىك جەلى – بۇگىنگى تاڭدا قىز-كەلىنشەكتەردىڭ ءتانىن كورسەتىپ، ونى ءلۇپىل (لايك) ءۇشىن ساۋدالاۋدىڭ قاينار كوزى بولىپ وتىر.
كەز-كەلگەن جەلىنى اشىپ قالساڭ، قاپتاعان قىزداردىڭ جارتىلاي جالاڭاش سۋرەتتەرى.
كەز-كەلگەن قىز الەۋمەتتىك جەلىگە ءتانى كورىنەتىن سۋرەتىن جاريالاسا بولدى، وزگە الەۋمەتتىك جەلى قولدانۋشىلار قويعا شاپقان قاسقىرداي ءوزارا داۋلاسىپ، سۋرەتتەگى قىزدى باستان-اياق تالقىعا سالادى. ءوزارا قىرىلىپ، داۋلاسىپ جاتاتىنداردىڭ دەنى –ايەل ادامدار. ال ەر ادامدار ونداي سۋرەتتەرگە ءتۇرلى «كومپليمەنت» ايتىپ، قىزدىڭ تانىنە قاتىستى تۇرلىشە پىكىرلەر ءبىلدىرىپ جاتادى.
دەنەلەرىن جالاڭاشتاپ، بۇكىل ەلدىڭ الدىنا پاش ەتەتىن قىز-كەلىنشەكتەردىڭ پاراقشاسىندا وقىرماندار سانى مىڭنان اسپاسا، كەم ەمەس. جاز ءدال وسىنداي سۋرەتتەردىڭ مەزگىلى سەكىلدى.
الەۋمەتتىك جەلىلەردە ەڭبەكتەگەن بالادان، ەڭكەيگەن قارتقا دەيىن جەكە پاراقشا اشىپ، تىركەلىپ جاتادى. تاڭنىڭ اتىسىنان كەشتىڭ باتىسىنا دەيىن تەلەفونعا ءۇڭىلىپ، جاقىن ادامدارمەن اڭگىمە دۇكەن قۇرۋ دەگەندى مۇلدە ۇمىتادى. ال، جاستايىنان ءتۇرلى قىزداردىڭ جالاڭاش دەنەسىن كورىپ وسكەن بالانىڭ پسيحولوگياسى قالاي داميدى، ونىڭ قىزدارعا دەگەن كوزقاراسى قالىپتاسادى؟! ءيا، مۇنى ەلەۋسىز قالدىرىپ، تۇككە تۇرعىسىز ماسەلە رەتىندە قارالاتىن شىعار. الايدا، بۇل –قوعامنىڭ دەرتى، ۇلتتىڭ بولمىسىنا، ۇرپاق بولاشاعىنا اسەر ەتەتىن كۇردەلى ماسەلە. الايدا، بۇعان ەشكىم دە تىيىم سالا المايدى، سەبەبى كەز-كەلگەن ادامنىڭ ءوزىندى جەكە قۇقىعى بار. قىز-كەلىنشەكتەردىڭ اقىلىنا سەنىپ، ويلانار دەگەن ۇمىتتەمىز...
گۇلىم لەپەسباي