قانت – ادامدى وزىنە داعدىلاندىرىپ الاتىن ەسىرتكى دارىلىك زات. بۇل تۋرالى سەنت-ليۋك ينستيتۋتى مەن Lahey Health بەيكوممەرسيالىق ۇيىمىنىڭ عالىمدارى مالىمدەدى دەپ جازادى Qamshy.kz اقپارات اگەنتتىگى.

عالىمداردىڭ پىكىرىنشە، ساحاروزا كومىرسۋىنىڭ اسەرى كوكاين ەسىرتكىلىك ءدارىسىنىڭ اسەرىندەي. قانتتى پايدالانۋ كوڭىل-كۇيدىڭ وزگەرۋى، راحات سەزىمگە بولەنۋ، ادامداردىڭ ءتاتتىنى اڭساۋى سىندى ارەكەتتەرگە اكەلىپ سوعادى.

زەرتتەۋشىلەر ءوز دالەلدەرىن كەمىرگىشتەرگە جاسالعان تاجىريبەگە سۇيەنە وتىرىپ ۇسىندى. كەمىرگىشتەر قانت جانە ەسىرتىكىنىڭ ءبىرىن تاڭداۋ بارىسىندا كوبىنە قانتتى تاڭداعان.

الايدا عالىمداردىڭ كوبى اتالمىش تاجىريبەنى مويىنداماي وتىر. كەمبريدج ۋنيۆەرسيتەتىنىڭ پسيحياترى حيشام زياۋددين تاجىريبەنى تىشقاندارمەن جۇرگىزۋىن اقىماقتىققا ساناپ، عالىمداردىڭ دالەلىن تولىق زەرتتەلمەگەنگە بالادى. ياعني، قانتتى ەسىرتكى دەپ ساناۋ – دۇرىس ەمەس دەيدى.