كوركەم ادەبيەتتىڭ بىزگە بەيمالىم سىرى قانشاما؟! قانشا اقىن مەن جازۋشى بولسا، ءار قالامگەردىڭ وزىنە ءتان ءسوز قولدانىسى مەن كوركەمدەۋ ءتاسىلى، وزىندىك يدەياسى بار. كوركەم ادەبيەتتە تروپتىڭ ءبىر ءتۇرى دەپ تانىلىپ جۇرگەن مەتافورا جايلى نە بىلەمىز؟ مەتافورا قۇبىلتۋدىڭ ءبىر ءتۇرى عانا ما؟ الدە شەڭبەرى ودان دا كەڭ بە؟ ەندەشە مەتافوراعا انىقتاما بەرىپ كورەلىك. XVIII عاسىردا ءومىر سۇرگەن نەمىس جازۋشىسى جان پولدىڭ ايتۋىنشا، «ءاربىر ءتىل – كۇڭگىرتتەنگەن مەتافورالار سوزدىگى». ياعني، مەتافورا كەشەلى-بۇگىن پايدا بولعان جوق. الايدا قازاق ءتىلى بىلىمىندە مەتافورا تروپتىڭ ءبىر ءتۇرى رەتىندە ءسوز بولىپ، ونىڭ كوركەمدىك، بەينەلىلىك قىزمەتى عانا تالدانىپ كەلەدى. ال مەتافورانىڭ بولمىسى، ونىڭ تىلدەگى قىزمەتى مەن ماڭىزى، پايدا بولۋ مەحانيزمدەرى، تۇرلەرى مەن ەرەكشەلىكتەرى زەرتتەلەمەي كەلەدى.
ءال-فارابي اتىنداعى قازاق ۇلتتىق ۋنيۆەرسيتەتى فيلولوگيا جانە الەم تىلدەرى فاكۋلتەتى قازاق فيلولوگياسى ماماندىعىنىڭ 3-كۋرس ستۋدەنتتەرى فيلولوگيا عىلىمدارىنىڭ دوكتورى گۇلدارحان نۇرعازى قىزى سماعۇلوۆانىڭ جۇرگىزۋىمەن "قازاق مەتافوراسىنىڭ فۋنكسياسى" ءپانىن ەلەكتيۆتى ءپان رەتىندە وقۋدا. ءپاننىڭ مااقساتىنا كەلەر بولساق، مەتافورانىڭ باسقا تروپ تۇرلەرىنەن ەرەكشەلىگىن ايقىنداپ، مەتافورانىڭ قىزمەتىمەن تانىسۋ.
ساباق بارىسىندا توپ ستۋدەنتتەرى ەسكى ءبىلىم مەن جاڭا ءبىلىمدى ۇشتاستىرىپ، مەتافورا جاساۋدا. جانە كۇندەلىكتى ءومىر مەن قىزىققا تولى ستۋدەنتتىك شاقتاردىڭ ءبىر بولىگىن مەتافورالاپ كوردى.
- دەكانات – داڭق پەن داقپىرت الاڭى؛
- مەحمات، حيمفاك، فيز-تەح ءۇشىن ستيپەنديا – ورىندالماعان ارمان؛
- ەمتيحان – دانالىق پەن دوستىقتىڭ اق شاتىرى؛
- ءدارىسحانانىڭ جوقتىعى – شاعالا كوڭىل شارق ۇرىپ، ىزدەيدى سەنى قايتادان؛
- لەكسيا – اۋىر ۇيقى؛
- ستاروستا – دومبىرانىڭ قۇلاعى؛
- فيلفاك – مادەنيەت وشاعى؛
- جاتاقحانا – ءومىر بازارى؛
- لاتىن گرافيكاسى – جاساۋى جوق قالىڭدىق؛
- انا – ءتاڭىردىڭ ءتاتتى سىيى؛
