«قازگيدرومەت» رمك 30 جەلتوقسانعا ارنالعان اۋا رايى بولجامىن ۇسىنادى، دەپ حابارلايدى Qamshy.kz اقپارات اگەنتتىگى. 

قازاقستاننىڭ باسىم بولىگىندە  جاۋىن-شاشىنسىز اۋا رايى كۇتىلەدى، تەك سولتۇستىگىندە، ورتالىعىندا جانە شىعىسىندا اتموسفەرالىق اۋا اعىندارىنىڭ وتۋىنە بايلانىستى  جاۋىن-شاشىن بولۋى مۇمكىن.

رەسپۋبليكانىڭ كەي جەرلەرىندە بۇرقاسىن،  كوكتايعاق، تۇمان، جەلدىڭ كۇشەيۋى كۇتىلەدى. الماتى وبلىسىنىڭ كەي جەرلەرىندە تۇمان، جالاناشكول اۋدانىندا 17-22 م/س جەل كۇشەيەدى.

پاۆلودار، شىعىس قازاقستان وبلىستارىنىڭ كەي جەرلەرىندە بۇرقاسىن، تۇمان، كوكتايعاق، جەل 15-20 م/س كۇشەيۋى  كۇتىلەدى.

اقمولا، اتىراۋ،  سولتۇستىك قازاقستان، اقتوبە، وڭتۇستىك قازاقستان، ماڭعىستاۋ، باتىس قازاقستان، قاراعاندى، قوستاناي وبلىستارىنىڭ كەي جەرلەرىندە تۇمان، كوكتايعاق كۇتىلەدى.

جامبىل، قىزىلوردا وبلىستارىنىڭ كەي جەرلەردە تۇمان، تاڭەرتەڭ جانە كۇندىز جەلدىڭ جىلدامدىعى 15-20 م/س جەتەدى.