اقمولا وبلىسى قورعالجىن اۋدانىنا قاراستى اۋىل وكرۋگىنىڭ  ەكس-اكىمىنىڭ مەكتەپ وقۋشىسىن سوققىعا جىققانى راستالدى جانە  ەكس-اكىمگە سوت تاراپىنان ايىپپۇل سالىندى.  بۇل جايىندا Tengrinews جازادى.

— قورعالجىن اۋداندىق سوتى جانات وماروۆتى قازاقستان رەسپۋبليكاسىنىڭ اكىمشىلىك قۇقىق بۇزۋشىلىق تۋرالى كودەكسىنىڭ 73-1 بابىنىڭ 1 تارماعىندا كوزدەلگەن اكiمشiلiك قۇقىق بۇزۋشىلىقتى جاساعانى ءۇشiن ايىپتى دەپ تانىدى. سوت شەشىمىمەن وماروۆ زارداپ شەككەن دياس مۇقاننىڭ دەنساۋلىعىنا قاساقانا زيان كەلتىرگەنى ءۇشىن كىنالى دەپ تانىلدى، - دەدى اقمولا وبلىستىق سوتتىڭ باسپا ءسوز حاتشىسى كۇلاش دومالاقوۆا.

سوت ەكس-اكىمگە 35 مىڭ كولەمىندە ايىپپۇل سالدى.

— بۇل جازالاۋ شاراسى قۇقىق بۇزۋشىنىڭ قىلمىس جاساعانعا دەيىنگى جانە ودان كەيىنگى ارەكەتىن جانە ونىڭ جەكە باسىن سيپاتتايتىن قاسيەتتەرىن ەسكەرە وتىرىپ، اۋىرلاتاتىن ءمان-جايلاردىڭ جوقتىعىن ەسكەرىپ تاعايىندالدى، - دەدەى اقمولا وبلىستىق سوتىنىڭ باسپا ءسوز قىزمەتىندە.

وقيعا قورعالجىن اۋدانى ا.تولەۋبايەۆ اتىنداعى ورتا مەكتەبiنiڭ جانىنداعى مەكتەپ ينتەرناتىندا بولعان. جابىرلەنۋشىنىڭ ايتۋىنشا، اۋىل اكىمى ۇلىن اياۋسىز سوققىعا جىققان. 

–مەن، بەكجانوۆا ايگۇل قاپان قىزى 03.08.1981 ج.ت. ءجابiر كورۋشi انامىن. ۇلىم مۇقان دياس تولەگەن ۇلى 11.01.2004 ج.ت. قورعالجىن اۋدانى ا.تولەۋبايەۆ اتىنداعى ورتا مەكتەبiنiڭ 8-سىنىپ وقۋشىسى. ۇلىم، مۇقان دياس قورعالجىن اۋدانى قورعالجىن اۋىلدىق وكرۋگi اكiمi وماروۆ جانات جۇماتاي ۇلى (11.09.1982 ج.ت.) تاراپىنان سوققىعا جىعىلدى، - دەپ جازعان ەدى دياس مۇقاننىڭ اناسى.