«مەن جاستارعا سەنەمىندى» بىلمەيتىن قازاق جوق شىعار. الدىڭعى بۋىن اعالار جاستاردى قايراپ، نامىسىن وياتقىسى كەلسە دە ماعجاننىڭ وسى ءبىر جالىندى جىرىن نەگىزگە الادى. ماعجان جۇمابايەۆتىڭ 125 جىلدىعىنىڭ قۇرمەتىنە سازگەر ەرلان تولەۋباي سوزىنە سازى ۇيلەسكەن ءان شىعاردى. ءان سۇيەر قاۋىم بۇل ءاندى جاس ءانشى دانيار راقىمبايدىڭ ورىنداۋىندا تىڭداي الادى.
ماعجان اقىننىڭ مەرەيتويىن دۇركىرەتىپ وتكىزسەك دەگەن وي-نيەتىمىز جوق ەمەس. اتالمىش يگى ماقساتتى كوزدەگەن Qamshy.kz اقپارات اگەنتتىگى قىركۇيەكتىڭ 26 مەن 29 ارالىعىندا تۇركى ەلدەرى جاستارىنىڭ ۇلكەن قۇرىلتايىن ۇيىمداستىرۋدى جوسپارلاپ وتىرعانىن ەستەرىڭىزگە سالا كەتەيىك.
