الماتىنىڭ ىرگەسىندەگى ءوزىم تۇراتىن 71-رازەزد اۋىلىندا مامىر ايىنان باستاپ اۋىزسۋ جوق. كۇن قىرىق گرادۋس كۇيىپ تۇر، ءبىزدىڭ اۋىلدىڭ تۇرعىندارى ىشەرگە ءبىر جۇتىم سۋ تاپپاي ءجۇر. ال سۋدىڭ كۇشىن كوبەيتۋ ءۇشىن اكىمدىك "قاراجات جوق" دەيدى. ءبىراق قالانىڭ قاق ورتاسىنا 23 ميلليونعا ءتيىن ورناتىپ، ونى توعىز ايدان كەيىن ورتەۋگە اقشا تابىلادى. بۇل ماسەلەنى الاتاۋ اۋدانى اكىمدىگى شەشىپ بەرەمىز دەگەلى ءبىر اي ءوتتى، قالالىق اكىمدىككە مامىر ايىندا شاعىم ايتتىق.

ورازا ايىندا دا ەل-جۇرت دارەتىن الىپ، مەيىرىن قاندىراتىن سۋ تاپپاي سابىلدى. مىنە، شىلدەنىڭ شىلىڭگىر ىستىعى كەلدى. بىزدە ءالى سۋ جوق. كىر جۋىپ، دۋشقا ءتۇسۋ بىلاي تۇرسىن، ىشەرگە سۋ تاپپاي، جەردىڭ استىنان شىعاتىن قۇم ارالاس لاي سۋدى بىر-بىرىمىزدەن تاسىپ ءجۇرمىز. الاتاۋ اۋدانى دەپۋتاتتارىنا دا جەكە ءوزىم شىعىپ، كومەك سۇرادىم. كومەكشىلەرى اتقامىنەرلەرگە اتالعان ماسەلەنى جەتكىزىپ، ءبىر حابارىن بەرەتىندەرىن ايتقان. ازىرشە حابارلاسقان ەشكىم جوق. اكىمدىك قالانىڭ كوركەيۋىنە دەپ توعىز ايدان كەيىن ورتەنەتىن تيىنگە قاراجات بولگەنشە، سۋ تاپپاي ساندالعان حالىقتىڭ پروبلەماسىن شەشسە عوي...

ايجان قالييەۆا