American Airlines اۋە كومپانياسىنىڭ قىزمەتكەرى نيۋ-يوركتەگى لا-گۋارديا اۋەجايىندا تازالىق جۇمىستارىن جۇرگىزۋ بارىسىندا دارەتحانادا ادام ەمبريونىن تاۋىپ العان، دەپ حابارلايدى ريا نوۆوستي. ءولى ۇرىق شارلوتتادان (سولتۇستىك كارولينا شتاتى) تۇنگى رەيسپەن نيۋ-يورك اۋەجايىنا قونعاننان كەيىن تابىلعان.
ۇرىق تابىلعان جەرگە پوليسيا قىزمەتكەرلەرى كەلدى. ولار ءىستى پروكۋراتۋراعا جىبەردى.
«ءبىز بۇل جاعدايدى تەكسەرىپ، قۇقىق قورعاۋ ورگاندارى قىزمەتكەرلەرىمەن جۇمىس ىستەپ جاتىرمىز»، - دەيدى American Airlines وكىلى.
اۋەجاي وكىلدەرى Twitter پاراقشاسىندا اتالمىش رەيسپەن ۇشقان ۇشاق تەكسەرىلىپ جاتقاندىقتان رەيستەر كەشىگىپ جولعا شىعاتىنىن ەسكەرتتى.
