نازاربايەۆتىڭ اركەز ءعىلىم-بىلىم ماسەلەسىنە ەرەكشە كوڭىل بولەتىنى بەسەنەدەن بەلگىلى. بيىلعى جولداۋ بۇرىنعىدان وزگەشە بولدى دەۋگە نەگىز بار. سەبەبى ءبىلىم ماسەلەسىندەگى مىنانداي ماسەلەلەردى اتاپ ءوتتى: بالاباقشاعى بەينەباقىلاۋ كامەرالارى، ۇستازدار ستاتۋسى، جينالىستاردى ازايتۋ، جوو-دىڭ رەيتينگىسىن وزگەشە انىقتاۋ، رەسەيگە وقۋعا كەتەتىن جاستار. مۇنىڭ ءبارى سوڭعى جىلدارى ەڭ كوپ تالقىلانعان ماسەلەلەر بولاتىن.
استانانىڭ دەموگرافيالىق حال-احۋالىنا بايلانىستى، انىعىراق ايتقاندا، حالىقتىڭ وسۋىنە بايلانىستى ءۇش اۋىسىمدى مەكتەپتەر پايدا بولاتىنى ايتىلعان ەدى. بۇل ماسەلە دە ەلباسىنا نازارىنان تىس قالمادى. "ءۇش اۋىسىمدى مەكتەپ دەگەن نە سۇمدىق؟ بالا قاشان وقيدى، قاشان دەمالادى؟" دەپ شوشىعان ول ءۇش اۋىسىم دەگەننىڭ كوزىن قۇرتۋدى تاپسىردى.
بالانى زورلايتىن پەدوفيلدەر، بالانى ۇرىپ-سوعاتىن ەرەسەكتەردىڭ كوبەيگەن زامانىندا بالا قاۋىپسىزدىگى اتا-انانىڭ ۋايىمىنا اينالعانى بۇلتارتپاس شىندىق. ەلباسى وسىنى ەسكەرە وتىرىپ، بارلىق بالاباقشالارعا بەينەباقىلاۋ كامەرالارىن ورناتۋدى بۇيىردى.
"جوعارى وقۋ ورىندارىنىڭ رەيتينگىسىن دۇرىس باقىلامايمىز. ولاردىڭ قانشالىقتى ءونىمدى جۇمىس جاسايتىندارىن ءبىتىرىپ كەتكەن ستۋدەنتتەردىڭ جۇمىسقا تۇرۋىمەن بايلانىستىرىپ انىقتاۋ قاجەت" دەدى نۇرسۇلتان ءابىش ۇلى. ەگەر بەلگىلى ءبىر جوو-نىڭ ستۋدەنتى ماماندىعى بويىنشا جۇمىس ىستەسە، قۇبا-قۇپ. ال، جۇمىس تابا الماي، ساندالىپ جۇرسە، ونى وقىتىپ-توقىتقان جوو-نى جابۋ كەرەك" دەپ قارا قىلدى قاق جاردى.
رەسەيگە وقۋعا كەتەتىندەر جاستار ماسەلەسىنەن دە ەلباسى حاباردار بولىپ شىقتى. ونداي ستاتيستيكاعا تاڭ قالمايتىنىن دا جەتكىزدى. "رەسەيگە كەتەتىن جاستاردىڭ كوبىسى سولتۇستىكتەن ەكەندىگى بەلگىلى. ءبىراق وڭتۇستىك ايماقتان باراتىن جاستار دا كوپ ەكەن. مۇنى قالاي تۇسىنەمىز؟" دەپ ساۋال قويدى. "قاي جەردە ءبىلىم ساپاسى مىقتى، سول جاقتا كەتەتىنى تۇسىنىكتى" دەگەن نازاربايەۆ بۇل ماسەلەگە الاڭداۋلى ەكەندىگىن بايقاتتى.
