عالىمدار عارىشتاعى ايگىلى ساقينا تۇماندىعىنىڭ (Ring Nebula) ىشىنەن تەمىر اتومدارىنان قۇرالعان الىپ، جولاق ءتارىزدى بۇلتتى انىقتادى. ول پلۋتون وربيتاسىنان شامامەن 500 ەسە ۇلكەن جانە جەردەن 2 283 جارىق جىلى قاشىقتىقتا ورنالاسقان. مۇنى ۇلىبريتانيانىڭ كارديفف ۋنيۆەرسيتەتى مەن UCL استرونومدارى جاڭا WEAVE تەلەسكوپتىق قۇرالى ارقىلى بايقاعان.
زەرتتەۋشىلەردىڭ ايتۋىنشا، بۇل «تەمىر جولاق» نە جۇلدىزدىڭ ءولۋى كەزىندە پايدا بولعان، نە بولماسا جۇلدىز ۇلعايىپ جويىلعاندا پايدا بولعان تاستى عالامشاردىڭ قالدىعى بولۋى مۇمكىن. ەگەر ەكىنشى بولجام راستالسا، بۇل قۇبىلىس كۇن بىرنەشە ميلليارد جىلدان كەيىن ۇلعايعاندا جەردى جۇتىپ قويۋى مۇمكىن بولاشاقتىڭ كورىنىسى بولۋى ىقتيمال.
عالىمدار بۇل تەمىر قۇرىلىمنىڭ ناقتى قايدان شىققانىن جانە باسقا ەلەمەنتتەر بار-جوعىن انىقتاۋ ءۇشىن قوسىمشا باقىلاۋلار جۇرگىزبەك. ولار مۇنداي قۇبىلىس باسقا تۇماندىقتاردا دا كەزدەسۋى مۇمكىن دەپ ەسەپتەيدى.
