قازاقستاندىق جۇلدىزدار بالالارىنا قانداي ەسىم قويادى؟ قازاق ەسىمدەرىنىڭ ماعىناسى تەرەڭ ءارى كۇردەلى، ءبىراق تاريحتاعى ايتۋلى وقيعالار مەن ءتۇرلى جاعدايلارعا بايلانىستى دا قويىلاتىن نىسپىلار بارشىلىق. وزگە تىلدەردەن كەلگەن ەسىمدەر دە قازاق ەستراداسىنداعى جارقىن جۇلدىزداردىڭ كوڭىلىنەن شىعىپ ءجۇر.
@Instagram/karakat_a
ءانشى قاراقات ءابىلدينانىڭ ءتورت بالاسى بار: بەكبولات - قازاقتىڭ ءتول ەسىمى. "بەك" (ەل بيلەۋشى) جانە "بولات" (اۋىسپالى ماعىنادا - بەرىك، مىقتى، ءتوزىمدى) سوزدەرىنىڭ بىرىگۋىنەن قۇرالعان نىسپى. دۇنيەگە كەلگەن نارەستەگە "ەل بيلەگەن مىقتى ازامات بولسىن، كوش باستاعان سەركە بولسىن" دەگەن نيەتپەن قويىلاتىن ەسىم. ءنۇرالى - اراب تىلىنەن اۋدارعاندا "نۇر" - "جارىق"، "كۇن ساۋلەسى" دەگەن ماعىنانى بەرەدى. ال "ءالي" - بيىك، ۇستەم، ۇلى دەگەن ماعىناعا يە. بۇل ەسىم بالانىڭ بولاشاعى جارقىن، ءومىرى ساتتىلىككە تولى بولسىن دەگەن نيەتپەن قويىلادى. ءيمانالى - ارابتاردىڭ ەسىمى. اقىن، جۋرناليست قۇل-كەرىم ەلەمەستىڭ ايتۋىنشا، "ءيمانالى" ءدىنىمىزدىڭ سەنىمىنە قويىلعان ەسىمدەرگە جاتادى. قاراقات پەن ءقىدىرالىنىڭ كەنجەسىنە بەرىلگەن ەسىم - ايسۇلتان. ايسۇلتان - "اي" جانە "سۇلتان" سوزدەرىنەن جاسالعان ەسىم، ماعىناسى - ءسابيدى ايداي بولسىن جانە ورتاسىندا سۇلتانداي ءقادىرلى بولسىن دەگەن نيەتپەن قويىلادى. ايتا كەتەيىك، قاراقات پەن ءقىدىرالى كەنجەلەرىنىڭ ەسىمىن ءۇش اعاسىنىڭ تاڭداۋىمەن قويعان ەكەن.
©Vk.com
ءانشى ساكەن مايعازييەۆ قىزىنا رايانا دەگەن ەسىم قويدى. رايان - "جۇماققا كىرەتىن قاقپا" دەگەن ماعىنا بەرەدى. رايانا ەسىمىن ساكەن مايعازييەۆتىڭ اناسى دا قولداپ، وسىلاي اتاۋدى ءجون كورىپتى.
©Juldizdar.kz
مايعازييەۆتىڭ قىزىنا قويعان ەسىمىن وتاندىق ورىنداۋشى ينديرا راسىلحان دا ءوز قىزىنا قويعان.
©Anyzadam.kz
ايتىسكەر اينۇر تۇرسىنبايەۆانىڭ بالاسىنىڭ ەسىمى - بەگلان. بۇل نىسپىنىڭ ءتۇرلى ماعىناسى بار. ماسەلەن پارسى تىلىنەن شىققان ەسىم، "ۇلكەن"، "الىپ" دەگەن ماعىنا بەرەدى دەگەن مالىمەت كەزدەستى. سونىمەن قاتار، قازاقتىڭ باعلان دەگەن ۇندەس اتىنا جاقىنداتساق، تۋرا ماعىناسىندا "ەرتە تۋىپ، جەتىلگەن قوزى"، ال اۋىسپالى ماعىناسى "جاس" دەگەندى بىلدىرەدى.
©Instagram.com/m_besbaev
ءانشى، مۋزارت توبىنىڭ مۇشەسى مەيرامبەك بەسبايەۆ تاياۋدا عانا دۇنيەگە كەلگەن بالاسىنا ءابۋحايىر دەگەن نىسپى بەردى. بۇل ەسىم اراب تىلىنەن تىكەلەي اۋدارعاندا "ءابۋ" - "اكە" جانە "حايىر" - "قايىرىمدىلىق"، "يگىلىك"، "باقىتتى" دەگەن ماعىنا. بۇل ەسىم كوبىندە "جاقسىلىقتىڭ اكەسى"، ياعني "جاقسى"، "قايىرىمدى" دەگەن تەرەڭ ماعىناعا يە.
©Vk.com
"جىگىتتەر" توبىنىڭ ءانشىسى باعلان ءابدىرايىموۆ تۇڭعىش قىزىنىڭ ەسىمىن ايقاراكوز دەپ ءوزى قويعان. بۇل ەسىمنىڭ "جىگىتتەر" توبىنىڭ ورىنداۋىنداعى "ايقاراكوز" انىمەن بايلانىسى بار ەكەن. مۇنى ءانشى سۇحباتتارىنىڭ بىرىندە بىلاي تۇسىندىرگەن: "ەرتەڭ قىزىم ءوسىپ، بوي جەتكەن كەزدە: "اتىڭ نەگە ايقاراكوز؟" دەپ سۇراعاندارعا: "اكەم ايقاراكوز دەگەن ءاندى ورىنداعان" دەپ ايتىپ جۇرەدى. اينالاسىنداعىلارعا تىڭداتادى، ماقتان تۇتادى..."
©Vk.com
ايقىن تولەپبەرگەن تۇڭعىشىنا اڭسار دەگەن ناعىز قازاقى ەسىمدى بەردى. قازاق حالقىندا اڭساپ، ارمانداپ تاپقان بالاعا وسى نىسپىنى قويۋدى ادەتكە اينالعان. اڭسار ەسىمى يسلام دىنىندە "كومەك كورسەتۋشى"، "قولداۋ ءبىلدىرۋشى" دەگەن ماعىنادا ايتىلادى. اڭىز بويىنشا مەدينەنىڭ ءتول تۇرعىندارى پايعامبار مەن ونىڭ ساحابالارى قونىس اۋدارىپ كەلگەندە، يسلام ءدىنىن قابىلداپ، ولارعا پانا تاۋىپ بەرگەن دەگەن اڭگىمە بار. پايعامبار "باسقا ادامدار ءبىر جولمەن جۇرسە، اڭسارلار كەلەسى جولمەن جۇرسە، مەن اڭسارلاردىڭ سوڭىنان بارار ەدىم" دەگەن ەكەن..
©Juldizdar.kz
ءانشى، اكتريسا، "ارناۋ" دۋەتىنىڭ مۇشەسى سالتانات باقايەۆا تۇڭعىش ۇلى دۇنيەگە كەلگەندە ءبىر اپتاداي ەسىم تاڭداي الماپتى. كوپتەگەن ۇسىنىلعان ەسىمدەردىڭ ىشىنەن لايىقتىسىن تاڭداۋ ءۇشىن كوپ ويلانىپتى. كەيىن ءسابيدىڭ ەسىمىن اتاسى ءامىر دەپ قويعان ەكەن. ءامىر - اراب تىلىنەن اۋدارعاندا "حانزادا" دەگەن ماعىنانى بەرەدى.
©Pandaland.kz
قازاقستاندىق تانىمال جۇرگىزۋشى دينارا ءساتجان قىزىنا ديانا دەگەن ات بەرگەن. ديانا ەسىمى - ريم ميفولوگياسىندا "اي مەن اڭشىلىقتىڭ قۇدايى" دەلىنەدى. لاتىن تىلىنەن اۋدارعاندا "قۇدايلىق" دەگەن ماعىنا بەرەدى. ديانا ەسىمىن باسقا ۇلتتار دايانا جانە دايانا دەپ تە ايتادى. ال تەلەجۇرگىزۋشىنىڭ تۇڭعىش ۇلىنىڭ ەسىمى - دانيال. بۇل ەسىم اراب تىلىنەن "قۇدايدىڭ سىيى" دەپ اۋدارىلادى.
