الماتىدا ەكونوميكالىق جانە سىبايلاس جەمقورلىقپەن كۇرەس دەپارتامەنتىنى (ەسجك) باسشىسىنىڭ بۇرىنعى ورىنباسارى مۇراتبەك قازىبايەۆ تۇتقىندالدى.
ءقازىر، ەكس-پولكوۆنيك تەرگەۋ يزولياتورىنا قامالعان. سونداي-اق، الماتى قالالىق ەسجك-نىڭ تاعى ءبىر پولكوۆنيگى، قانات ارتىقبايەۆقا ىزدەۋ سالىندى، دەپ حابارلايدى "قامشى" پورتالى كازتاگ-قا سىلتەمە جاساي وتىرىپ.
تۇتقىنعا الىنعان ەكس-پولكوۆنيك قازىبايەۆ بۇرىن، شقو بويىنشا ەكونوميكالىق جانە سىبايلاس جەمقورلىقپەن كۇرەس دەپارتامەنتىن باسقارسا، ارتىقبايەۆ قاراعاندى وبلىسى بويىنشا ەسجك باسشىسى قىزمەتىن اتقارعان.
ازىرگە، قۇزىرلى ورگاندار اتالمىش ىسكە قاتىستى رەسمي مالەمدەمە جاساماعان.
ال 2015 جىلدىڭ اقپانىندا الماتى قالاسىندا قارجىلىق الاياقتىقپەن اينالىسىپ كەلگەن ۇيىمداسقان قىلمىستىق توپ قۇرىقتالعان بولاتىن. كەيبىر دەرەكتەرگە سۇيەنسەك، ولارعا ۇزاق ۋاقىت بويى فينپولدىڭ ەكس-باسشىلارىنىڭ كومەگىنە سۇيەنىپ، جالعان كاسىپ وداق قۇرىپ، اسا ءىرى كولەمدە قارجى قىمقىرعان دەگەن ايىپ تاعىلعان. ۇيىمداسقان قىلمىستىق توپ مۇشەلەرى 20 جالعان مەكەمە قۇرىپ، 2012 جىلدان 2014 جىل ارالىعىندا 60 ميلليارد تەڭگەگە جۋىق، ال سالىق ەسەبىنەن 14 ميلليارد تەڭگەنى قالتالارىنا باسقان. سونداي-اق، تەرگەۋ بارىسىندا انىقتالعانداي، الماتى قالالىق ءىىب قىزمەتكەرلەرى ۇيىمداسقان قىلمىستىق توپتىڭ 8 مۇشەسىن قۇرىقتاعان. ولار: فەدوتوۆ، يلين، باۋدينوۆ، كاريموۆ، زۋباروۆ، ابدييەۆ، ەسەنجانوۆ جانە شاۋكەروۆ.
سونىمەن قاتار، 55 جاستاعى ەكس-باسشى امىربەك امانبايەۆ 2 ناۋرىز كۇنى تۇتقىندالعان. قۇقىق قورعاۋ قىزمەتكەرلەرى كەلگەن ۋاقىتتا امانبايەۆتىڭ جۇرەگى قىسىلىپ، جەدەل جاردەم كولىگىمەن اۋرۋحاناعا جەتكىزىلگەن. ال 5 ناۋرىز كۇنى امانبايەۆ قاماۋعا الىنعان.
2014 جىلدىڭ كۇزىندە امانبايەۆ ەسجك قىزمەتىنەن بوساتىلىپ، گەنپروكۋراتۋراعا اۋىسقان. ءتىپتى، كەيبىر دەرەكتەردە، امانبايەۆ ق ر قارجى پوليسياسى باسشىسى لاۋازىمىنا باستى ۇمىتكەرلەردىڭ ءبىرى بولعاندىعى ايتالادى.
نۇرزات توعجان
