وزگە عالامشارلىقتارعا دەگەن يسلامنىڭ كوزقاراسىن ايتپاس بۇرىن، ولار جايلى تولىق اقپارات بەرىپ وتەيىك. ولار ەشكىمگە ۇقسامايتىن تىلسىم.
وزگە پلانەتالىقتار جايىندا...
ولار (ەگەر بار بولسا) جەردەن وزگە پلانەتادا مەكەندەيتىن ماتەريالدىق زات. ول زاتتى ادامدار ءبىر كلەتكالى باكتەرياعا ۇقساتۋى مۇمكىن، الايدا ادامداردىڭ كوبى «جەردەن تىس» دەگەن تەرميندى وزگە عالامشارداعى ءومىر دەگەن تىركەسپەن بايلانىستىرىپ جاتادى.
ادام بالاسى زەرتتەپ بىتپەگەن، ءالى دە اشىلماعان تالاي سىرى بار بەيمالىم ۇشاتىن تاباقشا تۋرالى قوعامنىڭ پىكىرى سان ءتۇرلى. ءبىرى وزگە پلانەتالىقتارعا سەنسە، ەندى ءبىرى قيالي قىلىق دەپ قول سىلتەيدى. اسپان كەڭىستىگىندە ەركىن قالىقتاعان تاباقشانى ۇيالى تەلەفوندارىنىڭ كامەراسىنا ءتۇسىر ۇلگەرگەندەر دە جەتەرلىك. ينتەرنەت جەلىسىندە مۇنداي تۇسىرىلىمدەر وتە كوپ. سونىمەن وزگە پلانەتالىقتار راسىمەن دە بار ما؟ بەيمالىم ۇشاتىن تاباقشا اقش-تىڭ ساياساتى ما جوق الدە جەردى زەرتتەپ جۇرگەن جاتپالەنالىقتار ما؟
بەيمالىم ۇشاتىن تاباقشانى زەرتتەۋشىلەر ۋفولوگتار. ءبىراق ولار وسى ۋاقىتقا دەيىن قولعا ۇستاتقانداي سەنىمدى، ناقتى ايعاق كەلتىرە الماعان. دەگەنمەن بەيمالىم ۇشاتىن تاباقشا جات پلانەتالىقتار دەگەن توقتامعا كەلگەن. بەيرەسمي دەرەكتەر بويىنشا ادام بالاسىنا ۇشاتىن تاباقشالار كۇن باتقان ساتتە اسپان كەڭىستىگىنەن بىرنۇكتەلى جانە كوپنۇكتەلى جارىق بولىپ 1940 جىلى كورىنگەن. ءبىراق ولار اقيقاتىندا جات پلانەتالىقتاردىڭ ۇشاتىن تاباقشاسى ما؟ وسى سالانى زەرتتەپ، ءتۇرلى ماقالالار جازىپ جۇرگەن جۋرناليست تورەعالي تاشەنوۆ بىزگە كورىنىپ جۇرگەن ۇشاتىن تاباقشالاردىڭ 50 پايىزى ادام قولىمەن جاسالعانىن ايتادى.
مۇراعاتتان تابىلعان تاريحي قۇجاتتار بويىنشا نەمىس ارمياسى 1940 جىلى جەردەن تىس وركەنيەت يەلەرىنىڭ كورابلىن اتىپ تۇسىرگەن. ءسويتىپ، قۇلاعان ۇشاتىن تاباقشانىڭ قىر-سىرىن مەڭگەرگەن سوڭ، وزدەرى دە سوعان قاراپ ءدال قۇراستىرا باستاعان دەيدى. الەمگە اتى ايگىلى وزگە دە عارىشكەرلەر ۇشاتىن تاباقشانى كورگەن. كسرو-نىڭ ەكى مارتە باتىرى ۆلاديمير كoۆالەنوك ساليۋت ستانسياسىندا جۇمىس ىستەپ جۇرگەن كەزىندە يلليۋميناتوردان وربيتانى اينالىپ ۇشقان بەلگىسىز وبەكتىنى بايقاعانىن ايتادى.
تاعى ءبىر قىزىق اقپارات. بەيرەسمي دەرەكتەر بويىنشا ۇزىندىعى 19، بيىكتىگى 8 مەتر، ال سالماعى 50 مىڭ كەلى كۇمىس تۇستەس ۇشاتىن تاباقشا جەرگە قۇلاعان. ءتىپتى ىشىنەن بويى 1 جارىم مەتردەي ەكى بىردەي وزگە پلانەتالىقتار شىققان. زەرتتەۋشى عالىمدار وزدەرىڭىز قانى جاسىل ىشكى قۇرىلىستارى ادامعا مۇلدە ۇقسامايتىن بەلگىسىز تىرشىلىك يەسىنە زەرتتەۋ جاساپتى. ءبىراق بۇل ءالى كۇنگە دەيىن قۇپيا، ونىڭ انىعىندا كىم ەكەنى تولىق زەرتتەلىپ بىتپەگەن. اسا جوعارى جىلدامدىقپەن ۇشاتىن تاباقشانى جاساۋ كەز كەلگەننىڭ قولىنان كەلمەيتىن دۇنيە. دەرەكتەر بويىنشا اۋە كۇشتەرى رادارىنا ىلىككەن بەلگىسىز وبەكتى ساعاتىنا 20630 شاقىرىم جىلدامدىقپەن ۇشقان. بەيمالىم ۇشاتىن تاباقشا، وزگە پلانەتالىقتار - بۇلار ادام بالاسىنىڭ جالىقپاي زەرتتەيتىن، قىزىعىپ تاماشالايتىن دۇنيەلەرى. عالىمدار، اسپان الەمىندە ءالى تولىق زەرتتەلىپ بىتپەگەن نىساندار وتە كوپ دەيدى. دەمەك الەمدە ءبىز بىلمەيتىن تالاي تاڭداي قاقتىرار قۇبىلىستار مەن قۇپيالار عىلىم دامىعان سايىن اشىلارى ءسوزسىز. ادام بالاسى بۇرىن سوڭدى بىلمەگەن تاڭعاجايىپتارمەن الداعى ۋاقىتتا ۇشىراساتىنى انىق
بۇل جايىندا قۇراندا نە دەيدى؟
ءتىپتى قاسيەتتى قۇراننىڭ وزىندە ءبىز سۋ مەن تىرشىلىكتىڭ اراسىنداعى بايلانىستى كورە الامىز.
«قارسى بولعاندار، نەگىزىندە كوكتەر مەنەن جەر تۇيىسكەن ەدى. ەكەۋىن اجىراتقانىمىزدى، ءار جاندى نارسەنى سۋدان جاراتقانىمىزدى كورمەي مە؟ سونداي-اق سەنبەي مە؟»، - دەلىنگەن ءانبيا سۇرەسىنىڭ 30-اياتىندا.
بۇگىنگى تاڭدا عالىمدار ءومىردىڭ تەڭىزدەن پايدا بولعانىن ايتادى. جاي مولەكۋلالار بىرىگىپ، وزدىگىنەن كوبەيدى. اللا قۇراندا بار تىرشىلىكتى سۋدان جاراتىپ، جەردىڭ بەتىنە شىعارعان. اللا ءبارىن بىلەدى، كورەدى، ال ءبىزدىڭ مىندەتىمىز – وقۋ، ىزدەنۋ، زەرتتەۋ، ويلانۋ.
وزگە پلانەتالىقتارعا كەلەر بولساق، قۇراندا ونداي تىرشىلىكتىڭ بارى جايلى ايتىلعان، الايدا ءبىز اياتتاردان ولاردىڭ شىن مانىسىندە بار ەكەنى جايلى دالەلدى ءالى تاپپادىق.
Rabbul aalameen تىركەسىنىڭ ءوزى «الەمدەردىڭ راببىسى» دەگەندى بىلدىرەدى، ياعني الەمنىڭ تۇس-تۇسىندا ءتۇرلى تىرشىلىكتىڭ بولۋى ابدەن مۇمكىن.
قۇراندا دا اللا جاراتقان ءتۇرلى تىرشىلىك يەلەرى جايىندا بىرنەشە اياتتا كەزەدەسەدى.
شۋرا سۇرەسىنىڭ 29-اياتىندا بىلاي دەلىنگەن: «كوكتەر مەن جەردىڭ جاراتىلۋى جانە ونداعى جاندىكتەردىڭ تارالۋى ونىڭ بەلگىلەرىنەن. ول، ولاردى قاشان قالاسا دا جيناۋعا كۇشى تولىق جەتەدى».
كەي عالىمدار جوعارىداعى اياتتاردى نەگىزگە الىپ، جەردەن وزگە پلانەتادا دا تىرشىلىك بار دەگەن بولجامعا كەلەدى.
«ول، ولاردى قاشان قالاسا دا جيناۋعا كۇشى تولىق جەتەدى» دەگەن تۇسىنا نازار اۋدارساق، تىرشىلىكتىڭ كەز كەلگەن ءتۇرى بولۋى مۇمكىن دەگەنگە سايادى.
ءتىرى دەگەندى بىلدىرەتىن «دابباح» ءسوزىن قۇران اۋدارعان مۇحاممەد اساد «كەز كەلگەن سانالى جاراتىلىس دەپ تۇسىندىرەدى.
وسىلايشا، ەگەر عالىمدار جەردەن تىس الەمدە ءومىر سۇرەتىن تىرشىلىك يەلەرىنىڭ بار ەكەنىن انىقتاسا، مۇسىلماندار ءۇشىن بۇل ايتارلىقتاي جاڭالىق بولماس ەدى.
ازىرگە دالەل جوق...
وزگە پلانەتالىقتاردىڭ بار-جوعى جايلى ناقتى دەرەكتەر ءالى كۇنگە دەيىن جوق.
«ادامدار وزگە پلانەتالىقتاردى بايقاۋسىزدا كەزدەستىرىپ قالدى» دەگەن حاباردى ءجيى ەستيمىز. الايدا بۇل تۇرعىدا تالاس تا كوپ. ءبىرى جەردىڭ ۇستىندە عارىش تارەلكەلەرىن كورگەندەرىن دالەلدەپ الەك، ەندى ءبىرى ولاردىڭ بولمايتىنىن، مۇنىڭ جاي قيال-عاجايىپ ەكەندىگىنە سەندىرىپ اۋرە.
بالكىم، وزگە عالامشارلىقتار ادامنىڭ قيالىنان تۋۋى ابدەن مۇمكىن. اسىرەسە، اقش-تا بۇل تاقىرىپ كەڭ تارالعان اڭىزعا اينالعان.
عىلىم وزگە پلانەتالىقتار جايىندا ناقتى دالەلدەر كەلتىرمەگەن. الايدا الەمنىڭ شەكسىزدىگى سونشا، ونى تولىق زەرتتەۋگە ادامزاتتىڭ عۇمىرى جەتپەۋى مۇمكىن. جەر دە، وزگە پلانەتالار دا ادامزات ءۇشىن قاشان دا جۇمباق.
ال يسلام مۇنى عىلىمعا قالدىردى. سەبەبى الەمدى زەرتتەۋگە كىرىسكەن ادامنىڭ ونىڭ جاراتۋشىسىنا دا سەنىمى ارتا تۇسەدى.
