قيلى-قيلى زامان بولار،
قاراعاي باسىن شورتان شالار.
اللاعا بەزىپ، ادام قور بولار،
تابىنعاندارى عالامتور بولار. 
كورگەنى درەسس كود بولار، 
ەرگەنى فلەش موب بولار. (موڭكە بي ايتقىسى كەلگەن، ءبىراق ايتپاعان)
***
ون جىلدا نە وزگەردى؟ بىلەمىسىز؟ 
ۇدەرىس بايقايمىسىز ۇنەمى ءسىز؟
"ولسەم ورنىم قارا جەر، سىز" دەۋشى ەدى، 
بۇل كۇندە تىرىلەردىڭ جۇرەگى سىز.
***
ون جىلدا انامىزدىڭ ءتىلى وزگەردى، 
جاساندى انشىلەردىڭ ءۇنى وزگەردى. 
ەركەككە سىرعا تاعىپ، شاشىن بوياپ، 
شىعاردىق تورىمىزگە كىل ەزدەردى. 
***
ون جىلدا اتامىزدىڭ ءدىنى وزگەردى،
ويتكەنى، قۇلشىلىقتىڭ ءتۇرى وزگەردى. 
اللا دەپ "كرەششەنيەدە" سۋعا تۇسكەن،
مۇسىلمانعا مۇنافيق مىنەز كەلدى.
***
ون جىلدا قىز وزگەردى، ۇل وزگەردى،
باس ءارپى ميليسيانىڭ پ -عا وزگەردى. 
پەنيسىن تەجەمەيتىن پەدوفيل مەن، 
دەنيسىن ولتىرگەندى بۇ كوز كوردى.
***
بوتەكسپەن ەسسىز قىزدىڭ ەرىنى ءوستى، 
جاساندى سيليكونمەن جەلىن ءوستى.
كەلىننىڭ ساۋكەلەسى مازاق بولىپ، 
قازاقتىڭ ساعى سىنىپ، كوڭىلى ءوشتى. 
***
ۇمىتىپ باباسىنىڭ ايران، قۇرتىن،
تالايلار سالت-سانادان تايعان بۇل كۇن. 
جەلىگە ونجىلدىعىن جارىسا ساپ، 
جەلىگىپ جاتقان مەنىڭ، قايران جۇرتىم...

Balgynbek Imashۇلىنىڭ فەيسبۋك پاراقشاسىنان