ءوز ۋاقىتىڭىزدى قالاي جوسپارلاپ، كۇن ءتارتىبىڭىزدى رەتكە كەلتىرۋدى نەدەن باستاۋدى بىلمەي ءجۇرسىز بە؟ Qamshy.kz اقپارات اگەنتتىگى وقىرمان نازارىنا از ۋاقىتتا كوپ جۇمىس ىستەۋگە مۇمكىندىك بەرەتىن كۇن ءتارتىبىن قۇرۋعا ارنالعان كەڭەستەردى ۇسىنادى.

 ماڭىزدى ءىس پەن شۇعىل شارۋانى اجىراتا ءبىلۋ

العا قويعان ماقساتتى دۇرىس ءتۇسىنۋ وتە ماڭىزدى. جۇمىسىڭىز كۇندەلىكتى ماقساتقا قۇرىلۋى ءتيىس. ول ءۇشىن دەرەۋ ورىندالۋى ءتيىس جۇمىس پەن ماڭىزدى ىستەردى اجىراتۋ ماڭىزدى. ماسەلەن، الدەكىمنىڭ ايتقان ءوتىنىشى ءسىزدى نەگىزگى ماقساتتان اۋىتقىپ، وعان ارنايى ۋاقىت بولۋگە ماجبۇرلەيدى.  ەگەر كۇن تارتىبىڭىزدە جوسپاردان تىس شارۋا پايدا بولسا، ونىڭ قانشالىقتى ماڭىزدى ەكەنىنە قاراپ، كۇندىزگى نەمەسە كەشكى ۋاقىتىڭىزدى ارناڭىز.

ويىڭىزدى بولەتىن قۇبىلىستارعا «توسقاۋىل» قويىڭىز

ءوز ەنەرگياڭىزدى نەگىزگى ماقساتقا ارناۋ – جەتىستىككە جەتۋدىڭ نەگىزگى جولى. ءسىزدىڭ ويىڭىزدى بولەتىن تەلەفون قوڭىراۋلارىن، الەۋمەتتىك جەلىدەن كەلەتىن حابارلامالاردى دىبىسسىز رەجيمگە ۇنەمى قويۋدى ۇمىتپاڭىز. جاقىندارىڭىزدان جۇمىس بارىسىندا مازالاماۋدى سۇراڭىز. اركەز ويىڭىز بولىنگەن سايىن، ءىستى توقتاعان جەردەن قايتا باستاۋ ءۇشىن ءبىراز ۋاقىت قاجەت بولاتىنى بەلگىلى. ءسىزدىڭ ويىڭىزدى ءجيى بولەتىن نەگىزگى فاكتورلاردى انىقتاپ، جۇمىس ۋاقىتىندا ولاردى مۇلدەم ۇمىتۋعا تىرىسىڭىز.

كۇنىڭىزدى جوسپارلاڭىز

بۇگىنگى كۇنىڭىزدى ءساتتى اياقتاعاننان كەيىن، ەڭبەك ونىمدىلىگىڭىزدى سالىستىرا وتىرىپ، كەلەسى كۇنگە كۇن ءتارتىبىن جوسپارلاپ ۇيرەنىڭىز. وسى ارقىلى كۇندەلىكتى بارلىق شارۋاعا ۇلگەرۋگە بولادى. ءار ىسكە قانشا ۋاقىت ارنايتىنىڭىزدى دۇرىس باعالاعاندا، ەڭبەك ونىمدىلىگىڭىز ارتا تۇسەدى. سونداي-اق، "بۇل ءىس ادەتكە اينالسا، بارلىق شارۋالارىڭىزعا ۇلگەرە المايمىن" دەگەن  مازاسىزدىقتان قۇتىلاسىز. 

1-3-5 جۇيەسىن قولدانۋ

ءوز كۇن ءتارتىبىڭىزدى قۇراستىرا وتىرىپ، مىنا جۇيەگە ءمان بەرىڭىز. ءبىر كۇنگە 1 ماڭىزدى ءىس، 3 ورتاشا جۇمىس پەن 5 كىشىگىرىم شارۋانى جوسپارلاڭىز. العاشقى ۋاقىتتا وسى جۇيە ءسىزدىڭ از ۋاقىت ىشىندە وتە كوپ شارۋانى ناتيجەلى ورىنداۋىڭىزعا مۇمكىندىك بەرەدى.  

 ۇسىنعان: بالجان حالىق