بۇگىندە اتاقتى اكتەرلەردىڭ قالاماقىسى ءبىر ادامنىڭ بىرنەشە جىلدىق تابىسىنا تەڭ بولاتىنداي جاعدايعا جەتتى. كەيبىرىنىڭ جىلدىق تابىسىنا بۇتىندەي ءبىر ايماقتى اسىراۋعا بولادى دەسەك، ارتىق ايتقاندىق ەمەس. ال ولار مۇنداي قاراجاتىن قايدا جۇمسايدى؟ ادەتتە كوپشىلىگى جايلى ءومىر ءسۇرۋ ءۇشىن جانىنا كەرەگىن ءبارىن الىپ، جارقىراعان جاقۇتتان باستاپ، ءتىپتى بۇتىندەي ءبىر ارالدى ساتىپ الىپ جاتادى. دەگەنمەن، بەس ساۋساق بىردەي ەمەس. الەمدە كوزى كورگەن جىلتىراققا قۇمارتا بەرمەي، ارال نەمەسە ياحتا ساتىپ العاننان، اۋىر جاعدايداعى بالالاردىڭ تاعدىرىنا بەي-جاي قارامايتىن ميلليونەرلەر دە بار. ولار ساۋساقپەن سانارلىق بولسا دا، بۇگىنگى قوعامدا ونداي جاندار بارشىلىق جانە جۇرت ولاردىڭ اتقارىپ جاتقان ىستەرىنىڭ ءبىرىن بىلسە، ءبىرىن بىلمەيدى.

Qamshy.kz اقپارات اگەنتتىگى ءوزىنىڭ الەۋمەتتىك دارەجەسىنە عانا ءمان بەرمەي، الەمدەگى جاعدايعا دا كوز قىرىن سالىپ، قارجىسىن قايىرىمدىلىققا جۇمسايتىن 8 ميلليونەردى نازارلارىڭىزعا ۇسىنادى.

گوشا كۋسەنكو

2011 جىلى اكتەر گوشا كۋسەنكو «بىرگە قادام باسايىق» اتتى قوردىڭ نەگىزىن قالاپ، دسپ-مەن اۋىراتىن بالالارعا كومەك كورسەتە باستادى. سودان بەرى اكتەر شوۋ-بيزنەس پەن جەكە كاسىپكەر دوستارىنىڭ باسىن قوسىپ قايىرىمدىلىق كونسەرتىن ءجيى ۇيىمداستىرىپ تۇرادى.

ناتاليا ۆوديانوۆا

ايگىلى توپ-مودەل ناتاليا ۆوديانوۆا 2004 جىلى بالالارعا ارنالعان ويىن الاڭدارىن سالۋمەن اينالىساتىن «جالاڭاش جۇرەكتەر» اتتى قور قۇرادى. 2011 جىلدان باستاپ اتالمىش قور  سىرقاتقا شالدىققان بالالارى بار وتباسىلارعا كومەكتەسىپ كەلەدى.

ناتاليانىڭ قايىرىمدىلىق ىستەرى تەك تمد عانا ەمەس، سونداي-اق بۇكىل ەۋروپا ەلدەرىنە دە بەلگىلى. ول ۇنەمى قايىرىمدىلىق كەشتەرىن ۇيىمداستىرىپ وتىرادى.

كونستانتين حابەنسكيي

اكتەر كونستانتين حابەنسكيي 2008 جىلى ونكولوگيالىق جانە باسقا دا اۋىر دەرتكە شالدىققان بالالارعا كومەك كورسەتەتىن ورتالىق اشقان. 2013  جىلعا دەيىن اتالمىش قور 130 بالاعا كومەكتەسىپ ۇلگەردى.

«جەر بەتىندە ادام ومىرىنەن قۇندى ەشنارسە جوق، انالاردىڭ باقىتقا تولى كوزدەرىن كورگەندە ىشتەي قۋانىپ كەتەمىن جانە سول نارسە ماعان كۇش-قۋات سىيلايدى»، - دەيدى اكتەر.

شولپان حاماتوۆا

شولپان حاماتوۆا – 2006 جىلى «ءومىر سىيلا» اتتى قوردىڭ نەگىزىن قالاعان اكتريسا. اشىلعان كۇننەن باستاپ اتالمىش قور گەماتولوگيالىق جانە ونكولوگيالىق دەرتكە شالدىققان بالالارعا قولداۋ كورسەتىپ كەلەدى، ال اكتريسا حاماتوۆا ۇنەمى اۋرۋحانالارعا قاجەتتى جابدىقتار مەن پرەپاراتتاردى ساتىپ الۋعا كومەكتەسىپ، دەمەۋشىلىك ءبىلدىرىپ تۇرادى. سونىمەن قاتار، ءتۇرلى ەرىكتىلەر توبىن قۇرىپ، قان تاپسىراتىن دونورلاردى تابۋعا كومەكتەسەدى.

كيانۋ ريۆز

كيانۋ ريۆز – وتە قىزىقتى پەرسوناج. ونى مەترودا، كوشەدە كەتىپ بارا جاتىپ نەمەسە ءۇيى جوق ادامدارمەن سويلەسىپ تۇرعان جەرىنەن كورىپ قالۋعا بولادى. سونداي-اق، ونىڭ وزىنە تيەسىلى كولىگى، ءتىپتى ءۇيى دە جوق. اكتەر ءالى كۇنگە دەيىن پاتەر جالداپ تۇرادى. كيانۋ ريۆز شالقىپ ءومىر ءسۇرۋدىڭ ەش ءمانى جوق دەپ ەسەپتەيدى، الايدا وزگە جاندارعا ەشقاشان دا كومەگىن اياعان ەمەس.

ونىڭ قارىنداسى اق قان اۋرۋىنا شالدىققان ەكەن، كەيىننەن اكتەر ونكولوگيالىق اۋرۋعا شالدىققان بالالارعا كومەك بەرۋ ماقساتىندا ءوزىنىڭ جەكە قورىن اشقان. سونىمەن قاتار، ول ءتۇرلى ەكولوگيالىق جوبالارعا بەلسەنە اتسالىسىپ، جانۋارلاردىڭ قۇقىعىن قورعاۋ جۇمىستارىنا قاتىسادى.

لەوناردو دي كاپريو

لەوناردو دي كاپريو ەرتە تانىلىپ، گونورارى ەڭ قىمبات اكتەرلەردىڭ بىرىنە اينالعان. سوندىقتان دا، ول اقشانىڭ قۇنىن ەرتە باستان تۇسىنە بىلگەن. 1998 جىلى اكتەر 15 ميلليون دوللارىن 30 ءتۇرلى ۇيىمعا قايىرىمدىلىققا بەرگەن قوردىڭ نەگىزىن قالادى.

كەيت ميددلتون

كەمبريدجدىك گەرسوگينيانى بۇگىنگە دەيىن قوعامدا "پاتشا وتباسىنىڭ مۇشەسىنە ساي ارەكەت ەتپەيدى" دەپ بىرنەشە رەت ايىپتاعان بولاتىن. الايدا كەيت ميددلتون مۇنداي قاڭقۋ سوزدەردىڭ بىرىنە دە ءمان بەرمەيدى.

ول وتە قاراپايىم، ۇلىبريتانيادا الەۋمەتتىك ستاتۋسى وزگە بريتاندىقتاردان جوعارى بولعاندىعىنا قاراماستان ميلان نەمەسە ريمدە شىققان سوڭعى ۇلگىدەگى كيىمدەردى ەمەس، قاراپايىم ماركالى كيىمدەردى كيگەندى ۇناتادى ەكەن. ول ءوزىنىڭ جۇبايى ۋيلياممەن بىرگە قايىرىمدىلىققا وتە كوپ مولشەردە قارجى جۇمساپ وتىرادى.

ادجەلينا دجولي

2001 جىلى كامبودجا قالاسىندا اندجەلينا ءدجوليدىڭ قاتىسۋىمەن «لارا كروفت» ءفيلمى تۇسىرىلگەن بولاتىن. سونداعى جەرگىلىكتى حالىقتىڭ قانشالىقتى تومەن جاعدايدا ءومىر ءسۇرىپ جاتقانىن كورگەن اكتريسانىڭ قايىرىمدىلىققا  قىزىعۋشىلىعى ويانادى.

اندجەلينا دجولي افريكاداعى بالالارعا ارناپ بىرنەشە قور اشقان. 2005 جىلى اكتريسا بۇۇ-نىڭ گۋمانيتارلىق سىيلىعىمەن ماراپاتتالىپ، 2013 جىلى ۆولونتەرلىك گۋمانيتارلىق كومەگى ءۇشىن اتاقتى «وسكار» سىيلىعىن يەلەنگەن.

بۇگىندە الەمدە قالتالى قايىرىمدى جانداردىڭ ءتىزىمى ۇزارىپ كەلەدى.