بيىلعى جىلدىڭ 17 اقپانىندا اتىراۋ وبلىسىنىڭ قۇرمانعازى اۋدانىندا 1956 جىلى 19 قازاندا دۇنيەگە كەلىپ، ءار جىلداردا «ورال ءوڭىرى» گازەتىندە ءتىلشى، قازاق ءتىلى مەن ادەبيەتى ءپانىنىڭ ءمۇعالىمى، قازاق تەلەراديو كوميتەتىنە رەداكتور، «قازاق ادەبيەتى» گازەتىندە، «جالىن» الماناحىندا ءبولىم مەڭگەرۋشىسى، قىرعىزستاندا قازاقستان ەلشىلىگىنىڭ اتتاشەسى، ماڭعىستاۋ وبلىستىق راديو-تەليەۆيدەنيە كومپانياسىنىڭ ءتوراعاسى، اتىراۋ وبلىستىق دراما تەاترىنىڭ ديرەكتورى، ق ر پرەزيدەنتى اكىمشىلىگىنىڭ سەكتور مەڭگەرۋشىسى، استاناداعى ۇلتتىق اكادەميالىق كىتاپحانانىڭ باس ديرەكتورى لاۋازىمدى قىزمەتتەرىن اتقارعان قازاقستاننىڭ ەڭبەك سىڭىرگەن قايراتكەرى ءھام «شەر»، «جۇلدىزدار قۇلاعان جەر»، «جايىق جىرى»، «قاراشا قازدار قايتقاندا"، «داۋىسىڭدى ەستىدىم»، «وتۆەرجەننىي مير» پروزالىق جيناقتارى جانە تاڭدامالى شىعارمالارىنىڭ 2 تومدىعى؛ قىتايدىڭ «ۇلتتار» باسپاسىنان جۇڭگو، قازاق تىلىندە 2 تومدىعى، رەسەيدىڭ "حۋدوجەستۆەننايا ليتەراتۋرا" باسپاسىنان ورىس تىلىندە ءبىر تومدىعى جانە قىرعىز تىلىندە كىتاپتارى؛ جەكەلەگەن شىعارمالارى تۇرىك، اراب، اعىلشىن تىلدەرىندە جارىق كورگەن جانە «بەيبارىس سۇلتان»، «باس»، «ناشاقور جايلى نوۆەللا»، «نۇرجاۋعان-عۇمىر»، «سىرىم باتىر»، «مۇستافا شوقاي» پەسالارى رەسپۋبليكالىق جانە شەتەل تەاترلارىندا ساحنالانعان قازاقتىڭ بەلگىلى جازۋشىسى، دارىندى دراماتۋرگى راحىمجان وتاربايەۆتىڭ ومىردەن وزعانىنا ءبىر جىل تولادى.
قاقپان
«باسىما تۇنەك ءۇيىن سالاسىڭدار. بۇ قازاقتا ەس جوق،
ەرتەڭ ولگەن سوڭ، مەنى دە «اۋليە» دەيدى...»
راحىمجان وتاربايدىڭ سۇقباتىنان.
اي، راقىم كوكەم-اي!
ءتىل – زاپىران،
ۋ ەدى.
(قازاقتىڭ رۋح-تۋى ەدى!)
ويىڭىز،
بويعا تارالىپ،
زاپىس تولعان سانا لىق.
اق جۇرەكتى،
قارا عىپ.
جۇلىپ كەتتى،
ەس جيماي،
ارتىڭنان عانا قارادىق...
اي، راقىم كوكەم-اي!
ساردارى ەدىڭ،
سانانىڭ.
(ۇلتىڭدى ارتىق سانادىڭ!)
وتىنا ءتۇسىپ،
ار-مۇڭنىڭ،
اتىڭدى الىس شالدىردىڭ.
«تۇنەك ءۇيىن سالدىردىڭ...»
اعزادا،
از-كەم شىندىقتى،
كىمگە سەنىپ قالدىردىڭ؟!.
اي، راقىم كوكەم-اي!
اتانىڭ العىر جالعاسى،
(عۇمىرى وتكەن جار باسى)
سۇر-سىمباتى – سىرىقتاي،
سۇلۋ ءسوزى – قۇرىقتاي.
ساقتاعان ەستە،
ۇلىقتاي،
جەتى مۇشە – جەتى جار،
قاعيداتىن ۇمىتپاي.
اي، راقىم كوكەم-اي!
قاۋعاسىن تارتىپ،
سۋ ىشكەن.
(ءشىرىتتى مە ەكەن،
ۋ ىشتەن...)
ادىلدىكتى – جاقتاعان،
عادىلدىكتى – اقتاعان.
«قاجەتى جوق، – دەپ.
– تاق ماعان!»
لامىنە ىلاي تۇسىرمەي،
ءتىل قاقپانىن،
«تاپپاعان...»
مىڭجان بايجانين
پىكىر قالدىرۋ