ەڭبەك جانە حالىقتى الەۋمەتتىك قورعاۋ ءمينيسترى بەردىبەك ماشبەك ۇلى جالاقى جىل سايىن كوبەيۋى كەرەك دەپ مالىمدەدى دەپ جازادى Qamshy.kz اقپارات اگەنتتىگى. بۇل تۋرالى ول ۇكىمەتتە ەڭبەك قاتىناستارىن رەتتەۋ شارالارى قاراستىرىلعان وتىرىستا ايتتى. 

"كەلەسى وزەكتى ماسەلە - ەڭ تومەن جالاقى الاتىن قىزمەتكەرلەردىڭ جالاقىسىن كوتەرۋ. ءقازىر 184 مىڭ كاسىپورىندا 958 مىڭ ادامنىڭ جالاقىسى ءوستى.ەندىگى مىندەت – اكىمشىلىكتەرمەن، كاسىپوداق، جۇمىس بەرۋشىلەرمەن بىرىگىپ، وسى جۇمىستى جالعاستىرۋ. جالاقى جىل سايىن ەڭ كەم دەگەندە ينفلياسيانىڭ دەڭگەيىندە كوبەيتىلۋى كەرەك. ءبىز ەندى جاپپاي قىسقارتۋعا جول بەرمەۋىمىز كەرەك. ەڭ تومەنگى جالاقى 42 500 تەڭگەگە كوتەرىلدى. قازىرگى تاڭدا ەلىمىزدە ورتاشا جالاقى 176 مىڭ تەڭگە بولىپ ەسەپتەلەدى"، - دەدى بەردىبەك ساپاربايەۆ. 

ۇسىنعان: اسەل بولات قىزى