بار الەمدى ءسۇيسىندىرىپ، تاڭ قىلىپ،
ەرلەدىڭىز استانانى سالدىرىپ!
بولاشاققا باتىل قادام باستادىق،
بەيبىت كۇندە ءبىز رۋحاني جاڭعىرىپ!

سىزبەن اتتى تاۋەلسىزدىك نۇر تاڭى،
ماڭگىلىك ەل تەك بيىككە شىرقادى.
سوندىقتان دا ءبىزدىڭ تۇڭعىش پرەزيدەنت – 
ءبىر ءوزىڭىز – تەكتىلەردىڭ ۇرپاعى!

بيىك-بيىك اسقاقتاسىن ار تۋى!
تاۋەلسىزدىك – تەكتىلىكتىڭ تارتۋى!
مەن ءومىردى ءسۇيىپ كەتتىم، نۇر-اعا،
ءوزىڭىزدى جاقسى كورۋ ارقىلى!

ۇلى دالام – باقىتتىلار مەكەنى،
ايان بىزگە جەر ءجانناتى ەكەنى!
ءسىزدى كورسە، نۇردى كورسە ءبىر سىزدەي،
كۇللى عالام اقىن بولىپ كەتەدى!

كۇن نۇرىمەن اسپان كۇلەر اشىلىپ،
سول ءبىر نۇرداي كوركەم جانسىز حاس ۇلىق.
ەرلەدىڭىز تالاي ىستە ەل ءۇشىن،
قازاقستاننىڭ ابىرويىن اسىرىپ!

قۇرمەتتىسىز ۇلكەنگە دە، جاسقا دا،
كوتەردىڭىز تالاي بەيبىت باستاما.
نىعىمەتى، جاراتقاننىڭ نۇرىسىز،
نۇردى كورسە – ءتىل بىتەدى تاسقا دا!

ءانۇرانى، ەلتاڭباسى، تۋى بار،
تاۋەلسىزدىك ءقادىرىن ەل ۇعىنار.
وزىڭىزبەن بىرگە جاساپ، ءبىر ءوسىپ،
قازاق ەلى ءىس تىندىردى قىرۋار!

قىرانقانات كۇن استىندا قاعىلار،
جانىڭىزدىڭ دانالىعىن جان ۇعار.
وزىڭىزدەي تۇلعا تۋعان قازاقتىڭ،
بۇل جالعاندا بەس ەلىدەي باعى بار!

قازاقستاننىڭ ءوسىردىڭىز وركەنىن،
سىزگە ءتان عوي كوركەم مىنەز، كوركەم ءۇن.
مەيىرىممەن جول اشتىڭىز جاستارعا،
ەگەمەندى ەلدىڭ ويلاپ ەرتەڭىن!

كەمەڭگەرىم، كورەگەنىم، جىرىمسىز،
ءبىر جاڭالىق جەتكىزدىڭىز بۇگىن، ءسىز.
كەتكەنمەنەن پرەزيدەنتتىك ورىننان،
جۇرەگىمنەن كەتپەيتۇعىن نۇرىمسىز!

بالتابەك نۇرعالييەۆ