بۇگىن پارلامەنت ۇيىندە حالىققا انت بەرگەن قاسىم-جومارت توقايەۆ پرەزيدەنت رەتىندە العاشقى مالىمدەمەسىن جاسادى دەپ حابارلايدى Qamshy.kz اقپارات اگەنتتىگى.
توقايەۆ ەلباسى نۇسرۇلتان نازاربايەۆقا العىس ايتا وتىرىپ، ءوز ۇسىنىستارىن ايتتى. سولاردىڭ العاشقىسى استانا قالاسى مەن قازاقستاننىڭ ورتالىق كوشەلەرىنىڭ اتاۋىن نۇرسۇلتان نازاربايەۆ ەتىپ وزگەرتۋ، نازاربايەۆتىڭ پورترەتتەرىن ورنىندا قالدىرۋ، تۇڭعىش پرەزيدەنتتىڭ قۇرمەتىنە ەسكەرتكىش قۇرۋ.
♦قاسىم-جومارت توقايەۆ پرەزيدەنت وكىلەتتىگىن قابىلداپ الدى
پرەزيدەنتتىڭ ۇسىنىستارىنا بايلانىستى دەپۋتاتتار پىكىر ءبىلدىردى. قاسىم-جومارت توقايەۆقا سەنەتىنىن ايتقان ءماجىلىس دەپۋتاتى بەكبولات تىلەۋحان نۇرسۇلتان نازاربايەۆتى قيمايتىنىن دا ايتىپ قالدى.
♦"قازاقستاننىڭ باس قالاسىنىڭ اتاۋى نۇرسۇلتان نازاربايەۆ بولىپ وزگەرۋى كەرەك"
"شىنىمدى ايتسام، مەن ءوزىمدى ءقازىردىڭ وزىندە نۇرسۇلتان قالاسىنىڭ تۇرعىنى رەتىندە سەزىنىپ جۇرگەم. شىعارماشالىق ادامىمىز عوي، قيماستىق سەزىمى بار. الايدا توقايەۆ ءوزىنىڭ تۇلعاسىن ايقىنداعان، تاۋەلسىز قازاقستاننىڭ قالىپتاسۋىنا قىزمەت اتقارعان ادام ەكەنى بارىمىزگە ايان.. ۋادەسىنە بەرىك بولارىنا سەنىمدىمىن"، - دەدى بەكبولات تىلەۋحان.
♦گۇلجان قاراعۇسوۆا نازاربايەۆتىڭ وتستاۆكاسى تۋرالى: بولاتىنى بولدى...
ايتا كەتەيىك، 19 ناۋرىزدا ساعات 19:00-دە قازاقستان رەسپۋبليكاسىنىڭ تۇڭعىش پرەزيدەنتى نۇرسۇلتان نازاربايەۆ وكىلەتتىگىن توقتاتاتىنى تۋرالى ۇندەۋ جاريالاعان. ءوزىنىڭ وكىلەتتىگىن ەلباسى سەنات ءتوراعاسى بولعان قاسىم-جومارت توقايەۆقا تابىستادى.
ۇسىنعان: گۇلىم جاقان
پىكىر قالدىرۋ